Hoppa yfir valmynd
Kennsla og rannsóknirHöfuðborgarsvæðiðHáskóli Íslands

Lektor við Námsbraut í sjúkraþjálfun

Lektor við Námsbraut í sjúkraþjálfun

Laust er til umsóknar fullt starf lektors við Námsbraut í sjúkraþjálfun innan Læknadeildar á Heilbrigðisvísindasviði Háskóla Íslands. Starfið felur fyrst og fremst í sér kennslu og rannsóknir á sviði heilbrigðisvísinda, auk stjórnunarskyldu. 

Við ráðningu verður miðað við að sá er starfið hlýtur falli sem best að aðstæðum og þörfum námsbrautarinnar.

 

Helstu verkefni og ábyrgð

  • Umsjón með námskeiðum og kennsla á sviði heilbrigðisvísinda með áherslu á:
    1. Geðheilsu, heilsusálfræði eða langvinna verki
    2. Aðferðafræði rannsókna (megindlegar/eigindlegar/blönduð aðferð)
    3. Samskipti, stjórnunar- og leiðtogafærni
    4. Leiðbeining BS og MS lokaverkefna
  • Byggja upp rannsóknir við námsbrautina á sviði heilbrigðisvísinda með áherslu á sérsviði.
  • Þátttaka í stjórnun námsbrautarinnar

Hæfniskröfur

  • Umsækjendur skulu hafa lokið doktorsprófi á fræðasviðinu eða hafa þekkingu og reynslu í samræmi við alþjóðleg viðmið fyrir viðkomandi starfsheiti á fræðasviðinu, staðfest með áliti dómnefndar
  • Klínísk reynsla innan heilbrigðisvísinda
  • Sérþekking á sviði geðheilbrigðis, heilsusálfræði eða langvinnra verkja
  • Rannsóknarvirkni á sviði heilbrigðisvísinda
  • Reynsla af kennslu/leiðbeiningu á háskólastigi og stjórnun er kostur
  • Góð samstarfshæfni og lipurð í mannlegum samskiptum 
  • Mjög góð færni í ensku og íslensku

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Við ráðningu verður miðað við að sá er starfið hlýtur falli sem best að aðstæðum og þörfum námsbrautarinnar.

Æskilegt er að viðkomandi hefji störf eigi síðar en 1. mars

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. 

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Umsækjendur skulu láta eftirfarandi gögn fylgja umsókn sinni.  

  1. Kynningarbréf þar sem m.a. kemur fram hvernig umsækjandi uppfyllir hæfniskröfur 
  2. Prófskírteini eða eftir atvikum vottorð um námsferil 
  3. Akademíska ferilskrá (Curriculum Vitae) 
  4. Ritaskrá  
  5. Skýrslu um vísindastörf og önnur störf sem þeir hafa unnið 
  6. Greinargerð um rannsóknar- og kennsluáform ef til ráðningar kemur 
  7. Upplýsingar um mögulega umsagnaraðila sem hafa má samband við  

  

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Umsóknargögnum sem ekki er hægt að skila rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík. 

 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

 

Við ráðningar í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands

 

Háskóli Íslands er stærsta mennta-, rannsókna- og vísindastofnun Íslands og er á meðal 300 bestu háskóla heimsins samkvæmt lista Times Higher Education. Hann er ríkisháskóli sem staðsettur er í miðbæ Reykjavíkur. Fjölbreyttur, nútímavæddur og hratt vaxandi, býður Háskóli Íslands upp tækifæri á nær 300 brautum til náms og rannsókna innan flestra sviða vísinda og menntunar, þ.e. innan félagsvísinda, heilbrigðisvísinda, hugvísinda, menntavísinda og verk- og raunvísinda.

 

Námsbraut í sjúkraþjálfun tilheyrir Læknadeild sem er ein af sex deildum Heilbrigðisvísindasviðs við Háskóla Íslands. Námsbrautin býður upp á fimm ára nám til starfsréttinda í sjúkraþjálfun; þriggja ára BS nám í sjúkraþjálfunarfræðum og tveggja ára MS nám í sjúkraþjálfun. Á hverju hausti eru teknir inn 35 nemendur samkvæmt frammistöðu á inntökuprófi. Það er stefna Námsbrautar í sjúkraþjálfun að mennta sjúkraþjálfara sem eru gagnrýnir í hugsun, byggja starf sitt á gagnreyndri þekkingu, skila árangri, fylgja siðareglum og eru virkir í símenntun. Við útskrift eiga nemendur að hafa þróað með sér fagmennsku og samfélagslega ábyrgð. Við námsbrautina starfa núna tíu starfsmenn í akademískum stöðum og þrír í stöðu verkefnisstjóra. Allir starfsmenn sinna metnaðarfullum rannsóknum og þróunarverkefnum á ýmsum sviðum innan sjúkraþjálfunar og heilbrigðisvísinda, í samvinnu við erlenda og innlenda aðila. Ætlast verður til að sá sem hlýtur umrætt starf breikki og styrki enn frekar rannsóknarsvið námsbrautarinnar.

Starfshlutfall er 100%

Umsóknarfrestur er til og með 02.12.2021

Nánari upplýsingar veitir

Kristín Briem - [email protected] - 525 4096

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira