Hoppa yfir valmynd
StjórnunarstörfHöfuðborgarsvæðiðLandspítali

Deildarstjóri hjartarannsóknarstofu

Deildarstjóri hjartarannsóknarstofu

Landspítali auglýsir eftir kraftmiklum stjórnanda til að leiða og efla starfsemi hjartarannsóknarastofu Landspítala í nánu samstarfi við forstöðumann, framkvæmdastjóra og annað starfsfólk. Viðkomandi skal hafa starfsleyfi sem lífeindafræðingur. 

Deildin heyrir undir hjarta- og æðaþjónustu á aðgerðasviði  og starfa þar um 20 manna samhent teymi reyndra starfsmanna í nánu samstarfi við aðrar deildir spítalans við ýmsar sérhæfðar hjartarannsóknir.

Deildarstjóri er leiðtogi og hefur þríþætta ábyrgð sem stjórnandi, þ.e.a.s. faglega ábyrgð, starfsmannaábyrgð og fjárhagslega ábyrgð. Starfshlutfall er 100% og veitist starfið frá 1. febrúar 2022 eða skv. samkomulagi. Næsti yfirmaður er forstöðumaður hjarta- og æðaþjónustu.

Helstu verkefni og ábyrgð

  • Fagleg ábyrgð á uppbyggingu, skipulagi og þróun starfseminnar, setur markmið um gæði og öryggi og tryggir eftirfylgni 
  • Starfsmannaábyrgð, þ.e. ábyrgð á uppbyggingu mannauðs og daglegri stjórnun starfsmanna á deildinni 
  • Fjárhagsleg ábyrgð, þ.e. ábyrgð á rekstrarkostnaði deildarinnar

Hæfniskröfur

  • Íslenskt starfsleyfi sem lífeindafræðingur
  • Starfsreynsla sem lífeindafræðingur
  • Þekking og reynsla af öryggis-, gæða- og umbótastarfi
  • Færni í stjórnunarhlutverki. þ.e. fagleg ábyrgð, starfsmannaábyrgð og fjárhagsleg ábyrgð
  • Jákvætt lífsviðhorf, lausnarmiðuð nálgun og framúrskarandi samskiptahæfni
  • Frumkvæði, drifkraftur og stefnumarkandi hugsun

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag lífeindafræðinga hafa gert.

Í umsóknarformið skal skrá inn upplýsingar um:
» Fyrri störf, menntun og hæfni
» Félagsstörf og umsagnaraðila

Nauðsynleg fylgiskjöl: 
» Vottað afrit af prófskírteinum og starfsleyfum
» Ferilskrá ásamt kynningarbréfi með rökstuðningi fyrir hæfni og sýn á starfið

Ákvörðun um ráðningu í starfið byggist á innsendum gögnum og viðtölum. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfsmerkingar: Heilbrigðisþjónusta, lífeindafræðingur, deildarstjóri

Starfshlutfall er 100%

Umsóknarfrestur er til og með 06.12.2021

Nánari upplýsingar veitir

Karl Konráð Andersen - [email protected] - 825 3622
Þórdís Ágústa Ingólfsdóttir - [email protected] - 825 4984

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira