Hoppa yfir valmynd
HeilbrigðisþjónustaHöfuðborgarsvæðiðLandspítali

Teymisstjóri trans teymis barna- og unglingageðdeildar

Teymisstjóri trans teymis barna- og unglingageðdeildar

Staða teymisstjóra trans teymis BUGL er laus til umsóknar frá og með 6. janúar 2022 eða eftir nánara samkomulagi.

Á BUGL er veitt sérhæfð og fjölskyldumiðuð geðheilbrigðisþjónusta við börn að 18 ára aldri. Unnið er í þverfaglegum teymum og er mikil samvinna höfð við fagaðila í nærumhverfi. Lögð er áhersla á alúð í samskiptum og gott samstarf við foreldra/ forsjáraðila. 

Helstu verkefni og ábyrgð

  • Klínísk vinna í þverfaglegu teymi; greining, meðferð og eftirfylgni barna og unglinga sem upplifa misræmi milli kynvitundar sinnar og þess kyns sem þeim var úthlutað við fæðingu
  • Yfirumsjón með málum í teymi og forgangsröðun á biðlista
  • Eftirlit með gæðum, öryggi og samfellu í þjónustu
  • Er leiðandi í þróun nýs teymis og í umbóta- og gæðastarfi í samráði við fagaðila, stjórnendur og notendur þjónustu, í samræmi við faglega þekkingu og rannsóknir
  • Leiðsögn, þjálfun og stuðningur við samstarfsfólk í teymi
  • Þróun fræðsluefnis auk ráðgjafar og fræðslu til foreldra/ forsjáraðila og barna

 

Hæfniskröfur

  • Menntun á sviði heilbrigðisvísinda og íslenskt starfsleyfi s.s. hjúkrunarfræðingur, sálfræðingur, félagsráðgjafi, iðjuþjálfi, læknir
  • Framhaldsnám sem nýtist í starfi er æskilegt
  • Reynsla af meðferðarstarfi með börnum og fjölskyldum er æskileg
  • Framúrskarandi færni í samskiptum og teymisvinnu
  • Faglegur metnaður, jákvætt hugarfar, frumkvæði og færni til að vinna sjálfstætt
  • Skipulagshæfni og öguð vinnubrögð
  • Góð íslenskukunnátta bæði í mæltu og rituðu máli
  • Góð almenn tölvukunnátta
  • Hreint sakavottorð

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggir á innsendum gögnum og viðtölum. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum. 

Umsækjendur skulu framvísa nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002.

Landspítali er lifandi og fjölbreyttur vinnustaður þar sem yfir 6000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, teymisstjóri, hjúkrunarfræðingur, sálfræðingur, félagsráðgjafi, læknir

Starfshlutfall er 80-100%

Umsóknarfrestur er til og með 06.12.2021

Nánari upplýsingar veitir

Sigurveig Sigurjónsd Mýrdal - [email protected] - 824 2198
Guðrún B Guðmundsdóttir - [email protected] - 825 3727

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira