Hoppa yfir valmynd
IðnstörfHöfuðborgarsvæðiðLandspítali

Vélfræðingur - Viðhaldsdeild Landspítala

Vélfræðingur - Viðhaldsdeild Landspítala

Þjónustusvið Landspítala auglýsir laust til umsóknar fullt starf vélfræðings á vélaverkstæði sem tilheyrir fasteignaþjónustu Landspítala. Starfið er laust nú þegar eða eftir samkomulagi. Í fasteignaþjónustu starfa um 40 starfsmenn sem sinna viðhaldi alls húsnæðis Landspítala auk þess að vinna að margs konar stærri breytingaverkefnum.

Verkefni vélfræðings á Landspítala eru fjölbreytt og gefandi og oft unnin við aðstæður sem markast af þeirri þjónustu sem Landspítali veitir. Vélaverkstæði Landspítala ber ábyrgð á rekstri margra tæknikerfa Landspítala, svo sem loftræsikerfa, lyfjaloftskerfa o.fl. auk þess að sinna viðhaldi ýmiss búnaðar.

Leitað er eftir sjálfstæðum einstaklingi sem býr yfir lipurð í mannlegum samskiptum. Gerð er krafa um vélfræðingsmenntun.

Helstu verkefni og ábyrgð

  • Umsjón og ábyrgð á tæknikerfum sjúkrahússins, m.a. loftræsikerfum, lyftum, lyfjaloftskerfum og kælikerfum
  • Viðgerðir á ýmsum búnaði t.d. rúmum, hjólastólum og öðrum búnaði sem þarfnast viðhalds

Hæfniskröfur

  • Menntun í vélfræði
  • Reynsla af umsjón húskerfum er kostur
  • Frumkvæði og sjálfstæð vinnubrögð
  • Góð tölvukunnátta æskileg
  • Lipurð í mannlegum samskiptum

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja náms- og starfsferilskrá auk kynningarbréfs. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, vélfræðingur, verkstæði

Starfshlutfall er 100%

Umsóknarfrestur er til og með 06.12.2021

Nánari upplýsingar veitir

Valur Sveinbjörnsson - [email protected] - 543-5274

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira