Hoppa yfir valmynd
Kennsla og rannsóknirHöfuðborgarsvæðiðHáskóli Íslands

Lektor í velferðarþjónustu við börn og málastjórnun, Félagsráðgjafardeild, Félagsvísindasvið Háskóla Íslands

Lektor í velferðarþjónustu við börn og málastjórnun, Félagsráðgjafardeild, Félagsvísindasvið Háskóla Íslands

Við Félagsráðgjafardeild Háskóla Íslands er laust til umsóknar fullt starf lektors á sviði samþættrar þjónustu við börn, með áherslu á virka þátttöku barna og þverfaglegt samstarf og málastjórn.

Starf lektors er auglýst skv. samstarfssamningi Háskóla Íslands og félagsmálaráðuneytis í tiilefni af nýrri löggjöf um samþætta þjónustu við börn.

Um er að ræða tímabundna ráðningu til þriggja ára. Miðað er við að ráðið verði í starfið frá 1. apríl 2022, þó ekki fyrr en lokið er störfum þeirra nefnda sem um ráðninguna fjalla. Við ráðningu verður horft til þess að hæfni umsækjanda falli sem best að aðstæðum og þörfum Félagsráðgjafardeildar og Félagsvísindasviðs.

Helstu verkefni og ábyrgð

Að byggja upp og þróa kennslu á ofangreindu sviði fyrir starfsstéttir sem veita börnum þjónustu, í samvinnu við aðila á vettvangi.

Að stunda rannsóknir á þjónustu við börn, annars vegar með áherslu á réttindi, þátttöku og vernd barna og hins vegar með áherslu á teymisvinnu, þverfaglegt samstarf og málastjórn.  Lektornum er ætlað að stunda rannsóknir sem beinast að framkvæmd laga um samþættingu þjónustu í þágu farsældar barna og leiða með öðrum starf þverfaglegs rannsóknarnets á sviði barnarannsókna.

Hæfniskröfur

  • Doktorspróf á fræðasviðinu eða þekking og reynsla í samræmi við alþjóðleg viðmið fyrir viðkomandi starfsheiti á fræðasviðinu, staðfest með áliti dómnefndar.
  • Meistarapróf og starfsréttindi í félagsráðgjöf.
  • Virkni og hæfni í rannsóknum á sviði barna- og/eða velferðarannsókna sem kemur fram í birtingum í ritrýndum tímaritum.
  • Starfsreynsla af vettvangi og reynsla af þverfaglegu samstarfi æskileg.
  • Reynsla og hæfni í kennslu á háskólastigi æskileg.
  • Hæfni í mannlegum samskiptum, áreiðanleiki, frumkvæði og sjálfstæði í vinnubrögðum ásamt góðri hæfni til að miðla þekkingu.

 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Laun samkvæmt gildandi kjarasamningi fjármála- og efnahagsráðherra og Félags háskólakennara.

Umsækjendur skulu láta eftirfarandi gögn fylgja umsókn sinni. 

  1. Kynningarbréf þar sem m.a. kemur fram hvernig umsækjandi uppfyllir hæfniskröfur
  2. Prófskírteini eða eftir atvikum vottorð um námsferil
  3. Akademíska ferilskrá (Curriculum Vitae)
  4. Ritaskrá 
  5. Skýrslu um vísindastörf og önnur störf sem þeir hafa unnið
  6. Greinargerð um rannsóknar- og kennsluáform ef til ráðningar kemur
  7. Upplýsingar um mögulega umsagnaraðila sem hafa má samband við 

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Umsóknargögnum sem ekki er hægt að skila rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Félagsráðgjafardeild Háskóla Íslands er ein sex deilda Félagsvísindasviðs. Fyrstu félagsráðgjafarnir útskrifuðust 1982 en greining varð sjálfstæð deild árið 2008. Við deildina er boðið uppá BA- og MA nám til starfsréttinda í félagsráðgjöf, auk fjölda þverfaglegra framhaldsnámsleiða og doktorsnám. 

Á Félagsvísindasviði starfa á þriðja hundrað manns að kennslu og rannsóknum. Vísindafólk sviðsins stundar grunnrannsóknir, hagnýtar rannsóknir og þjónusturannsóknir og lögð er áhersla á fjölbreytta miðlun þekkingar, öflugar samræður víð íslenskt samfélag og alþjóðlega fræðasamfélagið. 

Háskóli Íslands er alþjóðlegur rannsóknaháskóli og stærsta kennslu-, rannsókna- og vísindastofnun landsins. Um 1.500 starfsmenn starfa í föstum störfum við skólann og um 2.200 eru lausráðnir. Nemendur við skólann eru um 12.500. Skólinn skiptist í sex grunneiningar, miðlæga stjórnsýslu og fimm fræðasvið. Háskóli Íslands býður fjölbreytt nám á öllum stigum og er eini háskóli landsins sem býður grunn- og framhaldsnám á öllum helstu fræðasviðum. 

 

Starfshlutfall er 100%

Umsóknarfrestur er til og með 10.12.2021

Nánari upplýsingar veitir

Guðný Björk Eydal - [email protected] - 5254258

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira