Hoppa yfir valmynd
Kennsla og rannsóknirHöfuðborgarsvæðiðHáskóli Íslands

Lektor í skyn- og hugfræði við Sálfræðideild

Lektor í skyn- og hugfræði við Sálfræðideild

Laust er til umsóknar fullt starf lektors við Sálfræðideild á Heilbrigðisvísindasviði Háskóla Íslands. Starfið felur í sér kennslu og rannsóknir, auk stjórnunarskyldu. Æskilegt er að viðkomandi geti hafið störf eigi síðar en 1. ágúst 2022.

Helstu verkefni og ábyrgð

Leitað er að einstaklingi með sérhæfingu og rannsóknarreynslu á sviði skynjunarsálfræði, hugrænnar sálfræði eða annarra náskyldra greina svo sem hugrænna taugavísinda. Gert er ráð fyrir að viðkomandi kenni og sjái um námskeið á BS-stigi við Sálfræðideild. 

Helstu verkefni:

  • Hafa umsjón með og sinna kennslu í fjölmennum námskeiðum í grunnnámi 
  • Stuðla að uppbyggingu meistaranáms á sviði skyn- og hugfræði
  • Stuðla að uppbyggingu rannsókna á sviði skyn- og hugfræði
  • Leiðbeina grunn- og framhaldsnemendum í lokaverkefnum 

Við ráðningu verður miðað við að einstaklingurinn sem hlýtur starfið falli sem best að aðstæðum og þörfum Sálfræðideildar.

Hæfniskröfur

  • Umsækjendur skulu hafa lokið doktorsprófi í sálfræði eða tengdri grein, og þarf doktorsprófið að vera á sérsviði sem fellur vel að kennslu og rannsóknum á sviði skyn- og hugfræði innan Sálfræðideildar 
  • Umsækjendur skulu hafa birt rannsóknir sínar á viðurkenndum vettvangi og hafa skýra framtíðarsýn um rannsóknir á þessu sviði.
  • Reynsla af kennslu og leiðbeiningu á háskólastigi er æskileg 
  • Reynsla af stjórnun er æskileg
  • Góð samstarfshæfni og lipurð í mannlegum samskiptum 
  • Umsækjendur þurfa að geta kennt og átt í samskiptum við starfsmenn og nemendur á íslensku og ensku

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Umsækjendur skulu láta eftirfarandi gögn fylgja umsókn sinni.  

  1. Kynningarbréf þar sem m.a. kemur fram hvernig umsækjandi uppfyllir hæfniskröfur 
  2. Prófskírteini eða eftir atvikum vottorð um námsferil 
  3. Akademíska ferilskrá (Curriculum Vitae) 
  4. Ritaskrá  
  5. Skýrslu um vísindastörf og önnur störf sem þeir hafa unnið 
  6. Greinargerð um rannsóknar- og kennsluáform ef til ráðningar kemur 
  7. Upplýsingar um mögulega umsagnaraðila sem hafa má samband við  

  

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Umsóknargögnum sem ekki er hægt að skila rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík. 

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. 

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands

Heilbrigðisvísindasvið er eitt af fimm fræðasviðum Háskóla Íslands. Innan sviðsins eru sex deildir; Hjúkrunarfræðideild, Lyfjafræðideild, Læknadeild, Matvæla- og næringarfræðideild, Sálfræðideild og Tannlæknadeild. Starfsmenn sviðsins eru um 300 og nemendur um 2200.

Sálfræðideild sinnir kennslu í bæði í grunn- og framhaldsnámi. Átján fastir kennarar og á fjórða tug þjálfunar- og stundakennara kenna um 800 nemendum í grunn- og framhaldsnámi. BS-námið byggist á námskeiðum í hefðbundnum undirgreinum sálfræðinnar með sterka áherslu á rannsóknaaðferðir og verklega reynslu. Í framhaldsnámi er hvort tveggja, starfsréttindanám í sálfræði og rannsóknartengt nám. Árlega brautskrást rúmlega hundrað nemendur úr Sálfræðideild. Kennarar deildarinnar eru virkir í rannsóknum í sálfræði á Íslandi og í erlendu samstarfi.

Háskóli Íslands er stærsta kennslu-, rannsókna- og vísindastofnun Íslands og eini skólinn hérlendis sem er á báðum virtustu matslistunum yfir bestu háskóla heims, Times Higher Education World University Rankings og Shanghai Ranking.

 

Starfshlutfall er 100%

Umsóknarfrestur er til og með 17.12.2021

Nánari upplýsingar veitir

Urður Njarðvík - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira