Hoppa yfir valmynd
SkrifstofustörfHöfuðborgarsvæðiðHáskóli Íslands

Verkefnisstjóri rannsóknaupplýsinga og notendafræðslu. Menntavísindasvið Háskóla Íslands

Verkefnisstjóri rannsóknaupplýsinga og notendafræðslu. Menntavísindasvið Háskóla Íslands

Bókasafn Menntavísindasviðs og Menntavísindastofnun auglýsa laust til umsóknar fullt starf verkefnastjóra rannsóknaupplýsinga og notendafræðslu. Starfið er fjölbreytt og felur í sér fræðslu, kynningar og upplýsingaþjónustu fyrir nemendur og starfsmenn. 

Bókasafn Menntavísindasviðs er sérhæft safn á sviði menntavísinda og þeirra faggreina sem kenndar eru á sviðinu. Eitt helsta markmið safnsins er að veita nemendum og starfsfólki góða þjónustu og aðgang að upplýsingum vegna náms, kennslu og rannsókna. 

Menntavísindastofnun er rannsókna- og fræðastofnun við Menntavísindasvið. Hlutverk stofnunarinnar er meðal annars að styðja fræðafólk við rannsóknir, vinna með greiningu og úrvinnslu gagna og halda utan um útgáfu fræðirita á vegum sviðsins. 

 

Helstu verkefni og ábyrgð

  • Uppbygging á sérhæfðri upplýsingaþjónustu við rannsakendur á Menntavísindasviði
  • Ráðgjöf varðandi fræðilega útgáfu, birtingar rannsóknarafurða í tímaritum og opnum aðgangi 
  • Yfirumsjón með Írisi (e. Pure), upplýsingakerfi sem þjónar rannsóknarþjónustu og bókasafni. Kerfið heldur utanum rannsóknarverkefni, rannsóknarafurðir, styrki, ferilskrár, rannsóknargögn, auk rannsóknavirkni háskóla og rannsóknastofnana
  • Fagleg ábyrgð á skipulagi og innihaldi kennslu og kynninga í upplýsingalæsi. Fræðsla um heimildaleitir, notkun rafrænna gagnasafna, meðferð heimilda og viðurkenndar aðferðir við skráningu þeirra (heimildaskráningarforrit)
  • Almenn upplýsingaþjónusta á bókasafni, aðstoð og einstaklingsráðgjöf
  • Önnur verkefni að beiðni yfirmanns

Hæfniskröfur

  • Háskólamenntun sem nýtist í starfi, s.s. upplýsingafræði eða kennslufræði
  • Reynsla af kennslu og fræðslustarfi er kostur
  • Góð þekking og reynsla á notkun helstu gagnasafna og upplýsingatækni
  • Áhugi á að fylgjast með tækninýjungum og tileinka sér þær
  • Góð íslensku- og enskukunnátta
  • Metnaður og vilji til að veita góða og faglega þjónustu
  • Frumkvæði, skipulagshæfni og sjálfstæð vinnubrögð
  • Lipurð í mannlegum samskiptum og rík þjónustulund
  • Þekking og/eða reynsla af rafrænni útgáfu er kostur
  • Þekking á íslensku háskóla- eða rannsóknaumhverfi er kostur

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Eftirfarandi gögn skulu fylgja umsókn: 

  • Ferilskrá
  • Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
  • Staðfest afrit af prófskírteinum
  • Upplýsingar um umsagnaraðila

Æskilegt er að viðkomandi geti hafið störf sem fyrst.  

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2. Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands. 

Háskóli Íslands er stærsta kennslu-, rannsókna- og vísindastofnun Íslands og eini skólinn hérlendis sem er á báðum virtustu matslistunum yfir bestu háskóla heims, Times Higher Education World University Rankings og ShanghaiRanking.

Starfshlutfall er 100%

Umsóknarfrestur er til og með 03.12.2021

Nánari upplýsingar veitir

Gunnhildur Kristín Björnsdóttir - [email protected] - 5255927

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira