Hoppa yfir valmynd
HeilbrigðisþjónustaHöfuðborgarsvæðiðLandspítali

Hjúkrunarfræðingur í krabbameinsþjónustu

Hjúkrunarfræðingur í krabbameinsþjónustu

Hjúkrunarfræðingur óskast til starfa í krabbameinsþjónstu. Í boði er starf á geislameðferðardeild 10K og á dag- og göngudeild blóð- og krabbameinslækninga. Starfið felst í hjúkrun sjúklinga sem fá meðferð við krabbameini.

Starfið er fjölbreytt og tækifæri til að taka þátt í að móta og efla hjúkrun sjúklinga í krabbameinsþjónustu. Viðkomandi þarf að búa yfir samskiptahæfni, hafa áhuga á framþróun þjónustu, bættum ferlum og eiga auðvelt með að starfa í teymi.
Starfshlutfall er 80-100%, unnið er í dagvinnu og er upphaf starfs samkomulagsatriði.

Í boði er einstaklingshæfð aðlögun með reyndum hjúkrunarfræðingum, möguleikar á starfsþróun og þátttaka í þróunarverkefnum í hjúkrun sjúklinga með krabbamein. Áhugasamir eru hvattir til að hafa samband við Þórunni deildarstjóra.

Vinnuvika starfsfólks í fullri dagvinnu er nú 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Helstu verkefni og ábyrgð

  • Greina hjúkrunarþarfir, veita hjúkrunarmeðferð og bera ábyrgð á meðferð skv. starfslýsingu
  • Skráning hjúkrunar í samræmi við reglur spítalans
  • Veita markvissa fræðslu til sjúklinga og aðstandenda
  • Einkennameðferð og stuðningur við sjúklinga og aðstandendur
  • Þátttaka í fjöl- og þverfaglegri teymisvinnu þeirra sem sinna meðferð og stuðningi við sjúklinga í krabbameinsmeðferð
  • Þátttaka í þróun og innleiðingu nýjunga innan hjúkrunar t.d. markvisst einkennamat, stuðningssamtöl, þróun meðferðaráætlana, eftirfylgd um rafræna samskiptagátt, gerð fræðsluefnis ofl.

Hæfniskröfur

  • Íslenskt hjúkrunarleyfi
  • Faglegur metnaður og sjálfstæði í vinnubrögðum
  • Jákvætt viðhorf, frumkvæði og góðir samskiptahæfileikar
  • Hæfni og geta til að vinna í teymi
  • Íslenskukunnátta áskilin

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi.
Ákvörðun um ráðningu byggist á innsendum gögnum og viðtölum. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, hjúkrunarfræðingur, hjúkrun

Starfshlutfall er 80-100%

Umsóknarfrestur er til og með 29.11.2021

Nánari upplýsingar veitir

Þórunn Sævarsdóttir - [email protected] - 825 3523

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira