Hoppa yfir valmynd
HeilbrigðisþjónustaHöfuðborgarsvæðiðLandspítali

Hjúkrunarfræðingur - Spennandi starf á nýrri einingu

Hjúkrunarfræðingur - Spennandi starf á nýrri einingu

Ný sérhæfð móttökugeðdeild í meðferðareiningu geðrofssjúkdóma mun opna í janúar n.k. við Hringbraut. Við leitum að öflugum hjúkrunarfræðingum til að móta starfið frá upphafi. Sérstök áhersla deildar er móttaka, meðferð og endurhæfing sjúklinga með geðrofssjúkdóma. Þjónustan verður mótuð í samvinnu við notendur þjónustunnar. 

Hér er einstakt tækifæri fyrir reynda og nýja hjúkrunarfræðinga til að taka þátt í uppbyggingu á þjónustu deildarinnar. Unnið er í vaktavinnu og er starfshlutfall og vinnufyrirkomulag og upphaf starfs samkomulagsatriði.

Vinnuvika starfsfólks í fullri vaktavinnu er nú 36 stundir og getur orðið minni eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf, þannig að störf í vaktavinnu verði eftirsóknarverðari. 

Landspítali styður nýútskrifaða hjúkrunarfræðinga í starfi með markvissri handleiðslu og fræðslu, samhliða starfi í formi starfsþróunarárs Landspítala.

Helstu verkefni og ábyrgð

  • Ákveða, skipuleggja og veita hjúkrunarmeðferð í samráði við skjólstæðinga og bera ábyrgð á meðferð samkvæmt starfslýsingu
  • Sinna málastjórahlutverki, veita samtalsmeðferð, vera málsvari og framfylgja þjónustu í samráði við skjólstæðinga og teymi
  • Sinna vaktstjórahlutverki, hafa yfirsýn yfir flæði sjúklinga, útdeilingu verkefna og tryggja að öryggismeðferð sé fylgt eftir

Hæfniskröfur

  • Íslenskt hjúkrunarleyfi 
  • Faglegur metnaður og framúrskarandi samskiptahæfni skilyrði
  • Áhugi á geðhjúkrun og meðferðarstarfi
  • Íslenskukunnátta kostur

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, hjúkrunarfræðingur, hjúkrun

Starfshlutfall er 70-100%

Umsóknarfrestur er til og með 06.12.2021

Nánari upplýsingar veitir

Sylvía Rós Bjarkadóttir - [email protected] - 620 1679
Margrét Manda Jónsdóttir - [email protected] - 824 6035

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira