Hoppa yfir valmynd
HeilbrigðisþjónustaHöfuðborgarsvæðiðLandspítali

Sjúkraliði á HNE-, lýta- og æðaskurðdeild

Sjúkraliði á HNE-, lýta- og æðaskurðdeild

Við auglýsum eftir sjúkraliða til starfa á HNE-, lýta- og æðaskurðdeild í Fossvogi. Starfshlutfall er samkomulag og er starfið laust frá 1. febrúar 2022 eða eftir nánara samkomulagi. Einstaklega góður starfsandi ríkir á deildinni, mikil teymisvinna og lögð er áhersla á að taka vel á móti nýju fólki og veita góða einstaklingsmiðaða aðlögun. 

Deildin er 18 rúma og sérhæfir sig í meðferð og hjúkrun háls-, nef- og eyrnasjúklinga sem og lýta- og æðasjúklinga. Sjúklingahópurinn er afar fjölbreyttur og gefast því góð tækifæri til starfsþróunar og að öðlast fjölþætta reynslu. Nýútskrifaðir sjúkraliðar eru velkomnir.

Helstu verkefni og ábyrgð

  • Sérhæfð hjúkrun sjúklinga með sjúkdóma í hálsi og á höfði, hjúkrun sjúklinga eftir bruna og lýtaaðgerðir og sjúklinga með sár og æðavandamál
  • Þátttaka í þverfaglegri teymisvinnu

Hæfniskröfur

  • Íslenskt sjúkraliðaleyfi 
  • Jákvætt viðhorf og samskiptahæfni
  • Sjálfstæði í vinnubrögðum 
  • Íslenskukunnátta áskilin

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, sjúkraliði

Starfshlutfall er 50-100%

Umsóknarfrestur er til og með 03.12.2021

Nánari upplýsingar veitir

Ingibjörg Guðmundsdóttir - [email protected] - 824 1573

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira