Hoppa yfir valmynd
SérfræðistörfNorðurlandSýslumaðurinn á Norðurlandi eystra

LÖGLÆRÐUR FULLTRÚI SÝSLUMANNS - AKUREYRI

LÖGLÆRÐUR FULLTRÚI SÝSLUMANNS - AKUREYRI

Sýslumaðurinn á Norðurlandi eystra auglýsir starf löglærðs fulltrúa laust til umsóknar. Starfsstöð er á Akureyri. Starfið felur í sér stjórnsýslumeðferð mála á grundvelli barnalaga, hjúskaparlaga, lögræðislaga, erfðalaga o.fl. Um fullt starf er að ræða og ráðgert er að nýr starfsmaður hefji störf í upphafi ársins 2022 skv. nánara samkomulagi.

Helstu verkefni og ábyrgð

  • Greining, úrlausn, ákvarðanir um málsmeðferð og eftirfylgni mála.
  • Upplýsingagjöf, leiðbeiningar og samskipti við þjónustuþega.
  • Samskipti við önnur stjórnvöld.
  • Fagstjórn í fjölskyldumálum og þátttaka í nýsköpun og framþróun í málaflokknum.
     

Hæfniskröfur

  • Embættis- eða meistarapróf í lögfræði.
  • Starfsreynsla sem nýtist í starfi er æskileg.
  • Haldgóð þekking á löggjöf á sviði fjölskylduréttar og túlkun hennar er kostur.
  • Geta til að vinna sjálfstætt að greiningu og úrlausn lögfræðilegra álitaefna.
  • Frumkvæði, sjálfstæði og metnaður í starfi.
  • Hæfni í mannlegum samskiptum.
  • Skipulögð og öguð vinnubrögð.
  • Geta til að vinna undir álagi.
  • Góð tölvukunnátta.
  • Færni í mæltu og rituðu máli á íslensku og ensku.
  • Almenn ökuréttindi.
     

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Stéttarfélag lögfræðinga hafa gert.

Starfshlutfall er 100%.

Við leitum að metnaðarfullum einstaklingi sem er reiðubúinn að leiða mikilvægan málaflokk í starfsemi embættisins.

UMSÓKNARFRESTUR ER TIL OG MEÐ 2. DESEMBER 2021

Umsókn um starfið þarf að fylgja afrit af prófskírteinum ásamt ítarlegri starfsferilsskrá og upplýsingum um meðmælendur. Einnig kynningarbréf þar sem umsækjandi rökstyður hæfni sína í starfið. Horft verður til þess að umsækjendur falli sem best að þörfum starfstöðvarinnar og lögfræðisviðs í heild.

Öllum umsóknum verður svarað þegar ákvörðun um ráðningu hefur verið tekin. Athygli er vakin á því að umsóknir munu gilda í 6 mánuði frá því að umsóknarfrestur rennur út.

Starfshlutfall er 100%

Umsóknarfrestur er til og með 02.12.2021

Nánari upplýsingar veitir

Svavar Pálsson - [email protected] - 4582600

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira