Hoppa yfir valmynd
HeilbrigðisþjónustaHöfuðborgarsvæðiðLandspítali

Hjúkrunarfræðingur - Umsjón útskrifta á lungnadeild

Hjúkrunarfræðingur - Umsjón útskrifta á lungnadeild

Auglýst er eftir hjúkrunarfræðingi til starfa, megináhersla starfsins er skipulag og umsjón með útskrift sjúklinga lungnadeildar A6 í Fossvogi. Starfshlutfall er samkomulag (50-100%). Unnið er að öllu jöfnu með viðveru a.m.k. 4-6 klst í dagvinnu virka daga, einnig er möguleiki að vinna vaktir að hluta. Ráðið verður í starfið 1. janúar 2022 eða eftir nánara samkomulagi. 

Deildin er 18 rúma legudeild og þjónar sjúklingum með bráða og langvinna sjúkdóma í öndunarfærum auk annarra bráðra sjúkdóma og vandamála á sviði lyflækninga. Lögð er áhersla á að skapa uppbyggjandi starfsumhverfi og veita einstaklingshæfða hjúkrun. 

Á deildinni starfa um 65 manns og byggir þjónustan á þverfaglegri teymisnálgun. Mjög góður starfsandi er ríkjandi og ótalmörg tækifæri eru til að vaxa í starfi. Við vinnum markvisst að því að gera deildina okkar betri og fögnum nýjum hugmyndum. 

Helstu verkefni og ábyrgð

  • Skipulag og umsjón með árangursríkum útskriftum skjólstæðinga í samstarfi við fjölskyldur, aðra fagaðila og stofnanir
  • Sérhæfð hjúkrun sjúklinga með lungnasjúkdóma auk annarra sjúkdóma 
  • Skipuleggja hjúkrun sjúklinga og skrá meðferðir í samræmi við reglur spítalans
  • Fylgjast með nýjungum í faginu 
  • Þátttaka í þverfaglegri teymisvinnu 
  • Þátttaka í þróun og umbótum í starfsemi deildarinnar

Hæfniskröfur

  • Íslenskt hjúkrunarleyfi 
  • Góð samskiptahæfni og góð íslenskukunnátta 
  • Faglegur metnaður 
  • Sjálfstæð, skipulögð og öguð vinnubrögð 
  • Góð almenn þekking á íslensku heilbrigðiskerfi og félagsþjónustu er kostur
  • Reynsla af stjórnun verkefna er kostur

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum. 

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, hjúkrunarfræðingur, hjúkrun

Starfshlutfall er 50-100%

Umsóknarfrestur er til og með 06.12.2021

Nánari upplýsingar veitir

Guðrún Árný Guðmundsdóttir - [email protected] - 824 6019

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira