Hoppa yfir valmynd
Önnur störfHöfuðborgarsvæðiðBarnaverndarstofa

Ráðgjafar

Ráðgjafar

Barnaverndarstofa hefur í  aldarfjórðung verið leiðandi í þjónustu við börn, þróun vandaðra vinnubragða og innleiðingu gagnreyndra aðferða. Stofnunin leitar nú að fjórum öflugum starfsmönnum til starfa á stuðningsheimilinu Fannafold. 

Vilt þú taka þátt í krefjandi og spennandi starfi með unglingum? Um er að ræða fjórar tímabundnar stöður í 100% starfshlutfalli í vaktavinnu á stuðningsheimilinu Fannafold. Stuðningsheimilið er deild útfrá Stuðlum, meðferðarstöð ríkisins fyrir unglinga.

Helstu verkefni og ábyrgð

Starfssvið á stuðningsheimilinu felst m.a. í:

  • Samveru og samskiptum við unglinga.
  • Samskiptum við foreldra.
  • Tómstundastarfi með unglingum.
  • Einstaklingsbundnum stuðningi við unglingana í samvinnu við yfirmenn og sálfræðinga.

Persónulegir eiginleikar

Lögð er áhersla á persónulega eiginleika, svo sem góða samskiptahæfni, sveigjanleika, jákvætt viðhorf til skjólstæðinga, líkamlegt og andlegt heilbrigði, áhuga á meðferðarstörfum og skipulögð vinnubrögð.

Hæfniskröfur

  • Reynsla og/eða menntun sem að mati forstöðumanns nýtist í starfi, t.d. í meðferðar-, tómstunda- eða íþróttastarfi.
  • Umsækjendur þurfa að geta tileinkað sér þá meðferðarnálgun og verklagsreglur sem unnið er eftir á Stuðlum.
  • Frumkvæði og sjálfstæði í vinnubrögðum.
  • Viðkomandi þarf að geta unnið sjálfstætt og í teymi.
  • Gild ökuréttindi.
  • Hreint sakavottorð.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Æskilegt er að viðkomandi geti hafið störf sem fyrst. Við úrvinnslu umsókna um störfin gildir mat Barnaverndarstofu á hæfni og eiginleikum umsækjenda. Vakin er athygli á að Barnaverndarstofa aflar sjálf upplýsinga úr sakaskrá áður en viðkomandi hefur störf hjá stofnuninni. Tekið er mið af jafnréttisáætlun Barnaverndarstofu við ráðningar á stofuna. 

Með umsóknum skulu fylgja upplýsingar um menntun og fyrri störf. Öllum umsóknum verður svarað þegar ákvörðun um ráðningu hefur verið tekin. Allar umsóknir gilda í sex mánuði frá birtingu ef starf losnar að nýju innan þess tíma.

Starfshlutfall er 100%

Umsóknarfrestur er til og með 03.12.2021

Nánari upplýsingar veitir

Funi Sigurðsson - [email protected] - 5308800

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira