Hoppa yfir valmynd
SkrifstofustörfHöfuðborgarsvæðiðHáskóli Íslands

Nýdoktorasjóður Háskóla Íslands 2022 - umsóknarfrestur framlengdur

Nýdoktorasjóður Háskóla Íslands 2022 - umsóknarfrestur framlengdur

Háskóli Íslands auglýsir allt að 7 nýdoktorastörf sem ætluð eru þeim sem hafa lokið doktorsprófi á síðastliðnum sjö árum (janúar 2016 og síðar) og þar með talin þau sem koma til með að ljúka doktorsprófi fyrir 1. júlí 2022. Tekið er tillit til veikinda og fæðingarorlofs við mat á tíma að loknu doktorsprófi. Styrkirnir verða veittir til allt að þriggja ára. Sérstök úthlutunarnefnd skipuð af rektor annast mat, forgangsröðun umsókna og úthlutun.

Helstu verkefni og ábyrgð

Um er að ræða störf við rannsóknir á einhverjum af fræðasviðum Háskóla Íslands. Fræðasvið Háskóla Íslands eru Félagsvísindasvið, Heilbrigðisvísindasvið, Hugvísindasvið, Menntavísindasvið og Verkfræði- og náttúruvísindasvið.

Hæfniskröfur

  • Doktorspróf
  • Við mat á umsóknum er fyrst og fremst farið eftir rannsóknaráætlun og ritvirkni umsækjanda, með tilliti til þess tíma sem liðinn er frá doktorsprófi. 
  • Við val á milli umsækjenda verður enn fremur litið til þarfa hvers fræðasviðs fyrir sig. 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Umsókninni skal fylgja i) almenn greinargerð um rannsóknarverkefni, ii) feril- og ritaskrá, iii) afrit af doktorsprófsskírteini eða staðfesting frá viðkomandi háskóla (frá leiðbeinanda og/eða viðeigandi háskóladeild) um að umsækjandi verji doktorsritgerð fyrir 1. júlí 2022, iv) staðfesting frá fræðasviði, deild eða stofnun við Háskóla Íslands um að umsækjandi muni njóta fullnægjandi aðstöðu og hafa aðgang að búnaði til að stunda fyrirhugaðar rannsóknir eftir því sem við á (sjá sniðmát). Öll innsend fylgigögn skulu vera í PDF formi.

Einnig er óskað eftir því að umsækjendur fái tvo fagaðila til þess að senda inn umsögn um gæði rannsókna umsækjenda og getu viðkomandi til að sinna fyrirhugaðri rannsókn. Æskilegt er að annar umsagnaraðilinn hafi tengst doktorsverkefni umsækjanda. Umsagnir berist í PDF formi á tölvupóstfangið [email protected] áður en umsóknarfrestur rennur út.

Umsóknarfrestur er til og með 2. desember 2021. Miðað er við að styrkþegar hefji störf eigi síðar en í september 2022.

 

Öllum umsækjendum verður svarað og þeim tilkynnt um ráðstöfun starfanna þegar ákvörðun hefur verið tekin.  Umsóknir gilda í sex mánuði frá lokum umsóknarfrests.

Laun eru samkvæmt kjarasamningi fjármálaráðherra og hlutaðeigandi stéttarfélags. 

Við ráðningar í störf við Háskóla Íslands er tekið mið af jafnréttisáætlun háskólans.

Vakin er athygli á málstefnu Háskóla Íslands.

Nánari upplýsingar, þ.á.m. um ofangreinda staðfestingu á aðstöðu, veitir Vísinda- og nýsköpunarsviði ([email protected]). 

Umsóknum skal skilað rafrænt, umsóknareyðublað ásamt leiðbeiningum má nálgast hér 

VINSAMLEGA ATHUGIÐ AÐ SÆKJA ÞARF UM NÝDOKTORASTYRKI HÉR: https://soloforms.lausn.is/input?fid=734&lang=is

Starfshlutfall er 100%

Umsóknarfrestur er til og með 06.12.2021

Nánari upplýsingar veitir

Brynja Dís Guðmundsdóttir - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira