Hoppa yfir valmynd
SérfræðistörfHöfuðborgarsvæðiðÁn staðsetningarFjármálaráðuneytið

TÆKNILEGUR VÖRUSTJÓRI HJÁ STAFRÆNU ÍSLANDI

TÆKNILEGUR VÖRUSTJÓRI HJÁ STAFRÆNU ÍSLANDI

Fjármála og efnahagsráðuneytið leitar að tæknilegum vörustjóra (e. technical product manager) til að leiða innleiðingu á straumnum (e. X-Road), öruggu gagnaflutningslagi hins opinbera, og þróun á vefþjónustum ríkisins í náinni samvinnu við fjölmargar stofnanir hins opinbera. 

Straumnum er  ætlað að auðvelda samskipti á milli upplýsingakerfa á öruggan hátt og er byggður á opnum hugbúnaði sem fyrst var þróaður af Finnlandi og Eistlandi. Nánari upplýsingar á: https://island.is/straumurinnhttps://www.niis.org/https://x-road.global/ 

Stafrænt Ísland er starfseining innan fjármála-og efnahagsráðuneytisins. Hlutverk hennar er að vinna með ráðuneytum, stofnunum og öðrum opinberum aðilum að því að efla stafræna þjónustu við almenning og tryggja þannig skýr, einföld og hraðvirk samskipti. Stærsta verkefni Stafræns Íslands er þróun þjónustugáttarinnar Ísland.is. 

Þróunarverkefni á vegum Stafræns Íslands eru unnin með svokallaðri kvikri (e. agile) aðferðarfræði í hugbúnaðarþróun, unnið er í sprettum og stuðst er við notendamiðaða þjónustuhönnun. 

Leitað er að drífandi sérfræðingi sem á auðvelt með að fá fólk með sér í lið og ná því besta fram í öðrum. 

Helstu verkefni og ábyrgð

  • Vöruþróun og verkefnastýring hugbúnaðarlausna á vegum Ísland.is.
  • Innleiðing á straumnum á Íslandi, fræðsla og samskipti við stofnanir og alþjóðlega X-Road samfélagið.
  • Gerð vegvísa (e. roadmap) fyrir stafræn umbreytingarverkefni á sviði gagnasamskipta (s.s. vefþjónustur) í samstarfi við opinberar stofnanir.
  • Þróun og viðhald á gæðaviðmiðum fyrir vefþjónustur ríkisins (e. API design guide)
  • Greiningarvinna, notendarannsóknir og þarfagreiningar.
  • Forgangsröðun verkefna, mótun- og eftirfylgni verkáætlana.
  • Samskipti við hugbúnaðarhús, tæknilega birgja og stofnanir.

Hæfniskröfur

  • Menntun eða starfsreynsla á sviði tölvunarfræði, verkfræði, stafrænnar hönnunar eða tengdum greinum sem nýtist vel til úrlausnar ofangreindra verkefna.
  • Reynsla og þekking af vörustjórnun hugbúnaðarlausna og stjórnun þverfaglegra teyma í hugbúnaðarþróun.
  • Reynsla af innleiðingu umfangsmikilla tæknilausna og stafrænni umbreytingu.
  • Mjög góð þekking og skilningur á uppbyggingu upplýsingatæknikerfa, hugbúnaðarlausna og notkun vefþjónusta (e. API).
  • Greiningarhæfni, öguð og nákvæm vinnubrögð.
  • Framúrskarandi samskiptahæfni og þjónustulund.
  • Frumkvæði og sjálfstæði í vinnubrögðum.
  • Mjög gott vald á íslensku og ensku í ræðu og riti er skilyrði.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert.

Umsókn um starfið þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. 

Æskilegt er að viðkomandi geti hafið störf sem fyrst. Starfið er tímabundið til tveggja ára.

Umsóknir geta gilt í 6 mánuði frá birtingu auglýsingar, sbr sbr. reglur nr. 1000/2019 um auglýsingar lausra starfa. Um fullt starf er að ræða. Áhugasamir einstaklingar, án tillits til kyns, eru hvattir til að sækja um. Umsóknir geta gilt í 6 mánuði frá því að umsóknarfrestur rennur út, sbr.gildandi reglur um auglýsingar lausra starfa.

Nánari upplýsingar veitir Andri Heiðar Kristinsson([email protected]) og Ragnheiður Valdimarsdóttir ([email protected])

Starfshlutfall er 100%

Umsóknarfrestur er til og með 06.12.2021

Nánari upplýsingar veitir

Andri Heiðar Kristinsson - [email protected] - 5459200
Ragnheiður Valdimarsdóttir - [email protected] - 5459200

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira