Hoppa yfir valmynd
HeilbrigðisþjónustaHöfuðborgarsvæðiðHeilsugæsla höfuðborgarsvæðisins

Hjúkrunarfræðingur - Upplýsingamiðstöð Heilsugæslu höfuðborgarsvæðisins

Hjúkrunarfræðingur - Upplýsingamiðstöð Heilsugæslu höfuðborgarsvæðisins

Heilsugæsla höfuðborgarsvæðisins auglýsir eftir hjúkrunarfræðingi til starfa við nýstofnaða upplýsingamiðstöð HH. Um er að ræða 100% ótímabundið starf. Að mestum hluta er starfið á dagvinnutíma en með stöku kvöld- og helgarvöktum. Æskilegt er að viðkomandi hefji störf sem fyrst eða eftir nánara samkomulagi. 

Upplýsingamiðstöð HH hefur tvíþætt hlutverk: 

Að þjónusta þau sem þangað leita hvort sem er í síma eða netspjalli á heilsuvera.is, þannig að málin séu leyst eða komið í viðeigandi farveg. Öllum erindum er sinnt hvaðan úr heiminum sem þau koma.

Skrifa, viðhalda og þróa þekkingarvef heilsuveru sem kemur á framfæri til almennings áreiðanlegri þekkingu um þroska, heilsu, áhrifaþætti heilbrigðis, sjúkdóma, frávik og einkenni.

Símsvörun og netspjallið er opið alla daga frá kl. 8 til 22.

Helstu verkefni og ábyrgð

  • Svara erindum á netspjalli Heilsuveru
  • Vinna fræðsluefni fyrir þekkingarvef Heilsuveru
  • Veita símaráðgjöf

Hæfniskröfur

  • Íslenskt hjúkrunarleyfi
  • Meistaranám í hjúkrunarfræði æskilegt
  • Sjálfstæði í starfi, skiplagningarhæfni og öguð vinnubrögð
  • Mikill sveigjanleiki og samskiptahæfni
  • Geta til að vinna undir álagi
  • Íslensku- og enskuskunnátta í ræðu og riti skilyrði
  • Góð tölvukunnátta skilyrði

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn skal fylgja ítarleg náms- og starfsferilsskrá. Jafnframt skal leggja fram staðfestar upplýsingar um menntun og staðfest afrit af opinberu starfsleyfi.

Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík.
Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.

Starfshlutfall er 100%

Umsóknarfrestur er til og með 06.12.2021

Nánari upplýsingar veitir

Ragnheiður Ósk Erlendsdóttir - [email protected] - 513-5000
Margrét Héðinsdóttir - [email protected] - 513-5000

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira