Hoppa yfir valmynd
SérfræðistörfHöfuðborgarsvæðiðLandlæknir

Sérfræðingur í gerð viðbragðsáætlana hjá sóttvarnalækni

Sérfræðingur í gerð viðbragðsáætlana hjá sóttvarnalækni

Embætti landlæknis óskar eftir að ráða sérfræðing til starfa á sóttvarnasvið við gerð viðbragðsáætlana, framkvæmd þeirra og æfinga auk annarra starfa.

Í boði er áhugavert og krefjandi starf þar sem reynir á almenna þekkingu í heilbrigðisfræðum, samskiptafærni og fagmennsku. Næsti yfirmaður er sóttvarnalæknir en viðkomandi mun vinna í nánu samstarfi við aðra sérfræðinga embættisins sem og sérfræðinga almannavarnadeildar ríkislögreglustjóra. 

Verkefni sóttvarnalæknis lúta fyrst og fremst að sóttvörnum og öðrum ógnum sem steðjað getað að landsmönnum af völdum smitsjúkdóma, eiturefna, geislavirkra efna, eða annarra óvæntra atburða sem ógnað geta heilsu landsmanna. Sóttvarnalæknir ber ábyrgð á því að veita ráðleggingar á sviði sóttvarna til stjórnvalda, almennings og annarra aðila sem koma að almannavörnum, gera viðbragðsáætlanir, skipuleggja æfingar þeirra og framkvæmd  í samvinnu við almannavarnadeild lögreglustjóra og grípa til opinberra og einstaklingsbundinna sóttvarnaaðgerða sem geta hindrað farsóttir í landinu. Sóttvarnalæknir starfar í samræmi við sóttvarnalög nr.19/1997.

Nánar um verkefni sóttvarnalæknis má sjá á heimasíðu embættis landlæknis 

https://www.landlaeknir.is/um-embaettid/greinar/grein/item27477/Hlutverk-svida-hja-Embaetti-landlaeknis

Helstu verkefni og ábyrgð

  • Gerð viðbragðsáætlana sóttvarna í samstarfi við almannavarnadeild ríkislögreglustjóra.
  • Þátttaka í skipulagningu og framkvæmd æfinga viðbragðsáætlana.
  • Er tengiliður við sóttvarnastofnun Evrópusambandsins (ECDC).
  • Hefur skilgreint aðgerðahlutverk í viðbrögðum almannavarna og sóttvarnalæknis.
  • Vinnur með starfsmönnum sóttvarnasviðs að upplýsingum á vefsíðu embættis landlæknis.
  • Annast í samvinnu við sóttvarnalækni viðtöku, úrvinnslu og svörun ýmissa fyrirspurna og erinda sem berast sóttvarnalækni og eru á ábyrgð hans.
  • Tekur þátt í gerð leiðbeininga um ýmsar sýkingavarnir.
  • Önnur verkefni í samráði við sóttvarnalækni og landlækni.

Hæfniskröfur

  • Heilbrigðismenntun á háskólastigi er skilyrði, framhaldsmenntun er æskileg.
  • Reynsla og þekking á starfsemi almannavarna er kostur.
  • Þekking og reynsla af verkefnastjórnun er æskileg.
  • Starfsreynsla á sviði stjórnsýslu er kostur.
  • Góð íslensku- og enskukunnátta í töluðu og rituðu máli er skilyrði.
  • Frumkvæði, drifkraftur og lausnamiðuð hugsun.
  • Framúrskarandi samskiptahæfni, sveigjanleiki og jákvætt hugarfar.

 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Við ráðningu er tekið mið af jafnréttisstefnu embættisins og við hvetjum einstaklinga af öllum kynjum til að sækja um starfið. 

Umsóknin gildir í 6 mánuði eftir að umsóknarfrestur rennur út nema umsækjandi ákveði annað. Embætti landlæknis áskilur sér rétt til að hafna öllum umsóknum. Öllum umsóknum verður svarað að ráðningu lokinni. 

Umsókn skal fylgja ítarleg náms- og starfsferilskrá, auk kynningarbréfs þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Mat á hæfni umsækjenda byggir á innsendum gögnum og viðtölum við umsækjendur. 

Embætti landlæknis starfar í samræmi við lög um landlækni og lýðheilsu nr. 41/2007. Hlutverk embættisins í hnotskurn er að stuðla að góðri og öruggri heilbrigðisþjónustu, heilsueflingu og öflugum forvörnum. Embættið hefur sett sér þrjú gildi sem starfsmönnum ber að hafa að leiðarljósi þ.e. ábyrgð, virðing og traust. Við erum heilsueflandi vinnustaður sem leggur áherslu á að efla mannauð og stuðla að góðri heilsu og líðan starfsmanna.

Starfshlutfall er 100%

Umsóknarfrestur er til og með 06.12.2021

Nánari upplýsingar veitir

Þórólfur Guðnason - [email protected] - 510 1900
Þórgunnur Hjaltadóttir - [email protected] - 510 1900

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira