Hoppa yfir valmynd
HeilbrigðisþjónustaSuðurnesHeilbrigðisstofnun Suðurnesja

Yfirlæknir við geðheilsuteymi

Yfirlæknir við geðheilsuteymi

Viltu slást í hópinn og taka þátt í spennandi uppbyggingu?

Við auglýsum eftir yfirlækni við geðheilsuteymi stofnunarinnar. Um er að ræða 100% framtíðarstarf.

Fram undan er mikil umbótarvinna við stofnun nýs þverfaglegs geðheilsuteymis. Geðheilsuteymi mun sinna einstaklingum með alvarleg geðræn vandamál, sem þurfa á fjölþættri þjónustu að halda. Í geðheilsuteymi er áætlað að starfa muni geðlæknir, barnageðlæknir, geðhjúkrunarfræðingur, sálfræðingur, félagsráðgjafi og iðjuþjálfi. Yfirlæknir ber faglega ábyrgð á þeirri læknisþjónustu sem er veitt af teyminu og kemur til með að þróa og móta þjónustuna við þjónustuþega teymisins. Yfirlæknir kemur einnig til með að vera ráðgefandi fyrir aðra fagaðila innan stofnunarinnar. 

Á stofnuninni er góð samvinna milli deilda, boðleiðir eru stuttar og góður starfsandi. Við tökum vel á móti nýju fólki og veitum góða og einstaklingshæfða aðlögun.

Helstu verkefni og ábyrgð

  • Mótun nýs geðheilsuteymis
  • Vinna í þverfaglegu geðheilsuteymi
  • Viðtöl á heilsugæslu eða heimavitjanir
  • Yfirumsjón með geðlyfjameðferð notenda teymanna
  • Ráðgjöf og fræðsla til starfsmanna teymanna og annarra heilbrigðisstarfsmanna HSS
  • Fræðsla til notenda og aðstandenda
  • Skipuleggja og veita þjónustu sem þörf er á hverju sinni
  • Samvinna við starfsfólk heilsugæslustöðva, þjónustustöðva, geðsviðs Landspítala og annarra stofnana

Leiðarljós HSS í þjónustu og starfi er umhyggja, fagmennska og virðing.

Hæfniskröfur

  • Íslenskt sérfræðileyfi í geðlækningum
  • Breið þekking og reynsla í geðlækningum
  • Reynsla af vinnu í geðendurhæfingu
  • Reynsla af vinnu í samfélagsgeðþjónustu er kostur
  • Reynsla af uppbyggingu og þróun nýrrar þjónustu er kostur
  • Reynsla af vinnu í heilsugæslu er kostur
  • Hæfni og áhugi á teymis- og verkefnavinnu
  • Jákvæðni, sveigjanleiki og lipurð í samskiptum

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Ef þú hefur áhuga á að taka þátt í að byggja upp nýtt teymi sem sinnir samfélagsgeðþjónustu, þá er þetta spennandi tækifæri.  Unnið er eftir hugmyndafræði valdeflingar þar sem einstaklingsmiðuð þjónusta ýtir undir styrkleika og bjargráð notanda. 

Laun eru samkvæmt kjarasamningi fjármálaráðherra og hlutaðeigandi stéttarfélags. Sótt er um starfið rafrænt á www.hss.is/laus störf. Umsókn fylgi náms- og starfsferilskrá ásamt afriti af prófskírteinum og starfsleyfi. 

Ákvörðun um ráðningu byggist á innsendum gögnum og/eða umsögnum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað. Umsóknir gilda í sex mánuði.

Á Heilbrigðisstofnun Suðurnesja eru þrjú svið; heilsugæslusvið, sjúkrahússsvið og hjúkrunarsvið. Starfsstöðvar eru í þremur sveitarfélögum; Grindavík, Reykjanesbæ og Vogum. Íbúafjöldi upptökusvæðisins, sem er Reykjanesið, er um 28.000 íbúar auk alþjóðaflugvallar.

Starfshlutfall er 100%

Umsóknarfrestur er til og með 13.12.2021

Nánari upplýsingar veitir

Fjölnir Freyr Guðmundsson - [email protected]
Inga Guðlaug Helgadóttir - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira