Hoppa yfir valmynd
HeilbrigðisþjónustaHöfuðborgarsvæðiðLandspítali

Sjúkraþjálfari - fjölbreytt, þverfaglegt starf á bráðasjúkrahúsi

Sjúkraþjálfari - fjölbreytt, þverfaglegt starf á bráðasjúkrahúsi

Sjúkraþjálfun Landspítala í Fossvogi óskar eftir sjúkraþjálfurum í þrjú stöðugildi. Um er að ræða eina fastráðningu og tvær tímabundnar ráðningar. Starfshlutfall er 80-100% eða samkvæmt samkomulagi. 

Hér gefst frábært tækifæri til að öðlast breiða þekkingu innan fagsins, vinna með skemmtilegu fólki og verða hluti af sterkri liðsheild. Mikil áhersla er lögð á færnimiðaða nálgun í þverfaglegri teymisvinnu og skilvirkar umbætur.

Sjúkraþjálfun í Fossvogi sinnir bráðadeildum og göngudeildum og möguleiki er að sinna gæsluvöktum á kvöldin og um helgar. Boðið verður upp á sérhæfða, markvissa þjálfun í störfin hjá sérfróðum sjúkraþjálfurum innan hverrar sérgreinar. 

Helstu verkefni og ábyrgð

  • Skoðun, mat og meðferð
  • Skráning í sjúkraskrárkerfi
  • Fræðsla til sjúklinga og aðstandenda
  • Þátttaka í þverfaglegum teymum
  • Þátttaka í fagþróun

Hæfniskröfur

  • Íslenskt starfsleyfi sem sjúkraþjálfari
  • Góð íslenskukunnátta
  • Faglegur metnaður og ábyrgð í starfi
  • Hæfni í mannlegum samskiptum og jákvætt viðmót
  • Skipulagshæfni, frumkvæði og sjálfstæð vinnubrögð

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag sjúkraþjálfara hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, sjúkraþjálfari

Starfshlutfall er 80-100%

Umsóknarfrestur er til og með 13.12.2021

Nánari upplýsingar veitir

Ingibjörg Magnúsdóttir - [email protected] - 543 9304
Þóra Björg Sigurþórsdóttir - [email protected] - 543 9136

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira