Hoppa yfir valmynd
Kennsla og rannsóknirHöfuðborgarsvæðiðHáskóli Íslands

Doktorsnemi á sviði umhverfisréttar með áherslu á loftlagsrétt við Lagadeild og Lagastofnun - Félagsvísindasvið - Háskóli Íslands

Doktorsnemi á sviði umhverfisréttar með áherslu á loftlagsrétt við Lagadeild og Lagastofnun - Félagsvísindasvið - Háskóli Íslands

Laust er til umsóknar fullt starf doktorsnema við Lagadeild Háskóla Íslands á sviði umhverfisréttar með áherslu á þverþjóðlegan loftslagsrétt (Transnational Climate Law). Starfið er til þriggja ára og er kostað af Lagastofnun Háskóla Íslands. Gerður verður ráðningarsamningur við doktorsnema til eins árs í senn. Samningurinn verður framlengdur í samræmi við framvindu verkefnisins eftir samkomulagi hverju sinni. Viðkomandi hefur að jafnaði aðsetur í Lögbergi og tekur virkan þátt í starfsemi Lagadeildar Háskóla Íslands. Samþykki á skráningu í doktorsnám er skilyrði fyrir ráðningunni.  

 

Helstu verkefni og ábyrgð

Doktorsverkefnið er á sviði umhverfisréttar með áherslu á þverþjóðlegan loftslagsrétt (Transnational Climate Law).  

Doktorsneminn skal greina alþjóðlegar skuldbindingar á sviði loftslagsréttar, þ. á. m. skuldbindingar sem fjallað er um í Evrópurétti og EES-rétti, reglur á því sviði í landsrétti Íslands og tengsl þessara skuldbindinga og reglna við markaðslausnir. Talið er fyrirsjáanlegt að slíkar lausnir muni fá meira vægi í alþjóðlegri stefnumörkun í náinni framtíð.  

Skyldur doktorsnemans felast í að ljúka doktorsnámi á rannsóknarsviði sínu, þ.m.t. að ljúka rannsókn og viðeigandi framsetningu rannsóknarniðurstaðna á framangreindum sviðum, eftir atvikum með leiðbeinanda og meðleiðbeinanda, eða öðrum sem tengjast fræðasviðinu.  

Rannsóknarverkefnið býður upp á sveigjanleika og frekari afmörkun á rannsóknarspurningum og skal unnið á ensku. Að öðru leyti gilda um verkefnið ákvæði reglna nr. 500/2011 um doktorsnám við Félagsvísindasvið Háskóla Íslands ásamt síðari breytingum sem og viðeigandi reglur Háskóla Íslands og Lagadeildar Háskóla Íslands. 

Hæfniskröfur

>> Grunn- og meistaragráða í lögfræði (fimm ára nám í lögfræði)

>> Góð þekking og/eða reynsla á þeim sviðum lögfræði sem fyrirhuguð rannsókn fjallar um

>> Góð tök á íslensku og ensku, bæði töluðu og rituðu máli

>> Góð samskiptahæfni og hæfni til að vinna sjálfstætt

>> Viðbótarmeistaragráða sem tengist umhverfisrétti (LL.M eða sambærileg gráða ) er kostur

>> Reynsla af kennslu og/eða rannsóknum, þar á meðal birtingu fræðigreina, er æskileg

 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Gögn sem fylgja skulu umsókn:

>> Ítarleg náms- og starfsferilskrá (CV).

>> Staðfest afrit af prófskírteinum frá öðrum menntastofnunum en Háskóla Íslands.  

>> Nöfn tveggja meðmælenda (nafn, tengsl við umsækjenda, tölvupóstfang og símanúmer).

>> Greinargerð þar sem umsækjandi lýsir hvernig hann uppfyllir skilyrði stöðunnar, þar á meðal af hverju hann telur sig hafa faglegar forsendur til að stunda doktorsnám, markmiðum sínum með doktorsnáminu og hvers vegna hann hefur áhuga á að vinna rannsóknarverkefnið (hámark 2 síður).  

>> Lýsing á fyrirhuguðu rannsóknarverkefni (t.d. um 1000 orð, auk heimildaskrár) á því tungumáli sem ritgerðin verður rituð. Fram komi markmið, staða þekkingar og vísindalegt gildi, lýsing á framkvæmd (aðferðir), gróf tímaáætlun með upplýsingum um helstu vörður og námslok, áætlun um birtingu niðurstaðna og birtingavettvang og listi yfir helstu heimildir. Lýsingin þarf að vera skýr, raunhæf og tímasett (mánuðir og misseri). Heiti verkefnis (vinnutitill) skal vera lýsandi fyrir rannsóknina. Gerð skal grein fyrir og skýrt hvernig rannsóknartillagan greinir sig frá fyrirliggjandi rannsóknum (innlendum og erlendum) á sama eða svipuðu rannsóknarsviði og hvert nýmæli rannsóknarinnar er. Loks þarf að koma fram af hverju umsækjandi telur rannsóknina skipta máli fyrir þróun rannsóknarsviðsins í íslensku og/eða alþjóðlegu samhengi. 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.¿Áskilinn er réttur til þess að hafna öllum umsóknum. 

 Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.¿ 

 Vakin er athygli á málstefnu Háskóla Íslands, sjá hér:¿https://www.hi.is/haskolinn/malstefna_haskola_islands.¿ 

Lagastofnun Háskóla Íslands er vísindaleg rannsóknastofnun. Stofnunin heyrir undir Lagadeild Háskóla Íslands á Félagsvísindasviði og er vettvangur rannsókna- og þróunarstarfs í lögfræði, sbr. nánar í reglum nr. 547/2010 um Lagastofnun Háskóla Íslands. 

Lagadeild Háskóla Íslands hefur verið starfrækt frá stofnun skólans árið 1911. Markmið Lagadeildar er að brautskrá framúrskarandi lögfræðinga sem eigi ríkan þátt í að efla og styrkja íslenskt réttarkerfi í nútíð og framtíð. 

 Á Félagsvísindaviði starfa á þriðja hundrað manns að kennslu og rannsóknum. Vísindafólk sviðsins stundar grunnrannsóknir, hagnýtar rannsóknir og þjónusturannsóknir og lögð er mikil áhersla á fjölbreytta miðlun þekkingar,¿ öflugar samræður við íslenskt samfélag og alþjóðlega fræðasamfélagið.  

 Háskóli Íslands er alþjóðlegur rannsóknaháskóli og stærsta kennslu-, rannsókna- og vísindastofnun landsins. Um 1.500 starfsmenn starfa í föstum störfum við skólann og um 2.200 eru lausráðnir. Nemendur við skólann eru um 12.500. Skólinn skiptist í sex grunneiningar, miðlæga stjórnsýslu og fimm fræðasvið. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum. 

 

Starfshlutfall er 100%

Umsóknarfrestur er til og með 02.02.2022

Nánari upplýsingar veitir

Trausti Fannar Valsson - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira