Hoppa yfir valmynd
HeilbrigðisþjónustaHöfuðborgarsvæðiðHeilsugæsla höfuðborgarsvæðisins

Sérfræðingur í heimilislækningum - Heilsugæslan Mjódd

Sérfræðingur í heimilislækningum - Heilsugæslan Mjódd

Laust er til umsóknar ótímabundin staða sérfræðings í heimilislækningum við Heilsugæsluna Mjódd. Starfshlutfall er 100% en möguleiki er á minna starfshlutfalli. Æskilegt er að viðkomandi geti hafið störf 1.mars nk. eða eftir nánari samkomulagi. Um er að ræða ábyrgðarmikið og krefjandi starf í spennandi starfsumhverfi þar sem áhersla er á nýsköpun og framþróun. 

Á heilsugæslustöðinni eru starfandi sérfræðingar í heimilislækningum ásamt hjúkrunarfræðingum, sálfræðingum, ljósmæðrum, hreyfistjóra og riturum. Heilsugæslan Mjódd þjónar fyrst og fremst íbúum Breiðholts en öllum er frjálst að skrá sig á stöðina. Mikil þróunarvinna er í gangi á stöðinni og stöðugt er unnið að því að bæta þjónustu við skjólstæðinga.

Nánari upplýsingar um starfsemi stöðvarinnar má finna á vef Heilsugæslunnar (www.heilsugaeslan.is).

Helstu verkefni og ábyrgð

Virk þátttaka í þróun og uppbyggingu heimilislækninga, kennsla starfsfólks og nema ásamat þátttöku í vísinda-, þróunar- og gæðastarfi.  

Starfssvið sérfræðings í heimilislækningum er víðtækt og felst m.a. í almennri læknamóttöku, heilsuvernd, bráðaþjónustu á daginn ásamt síðdegisvakt. Um er að ræða spennandi vettvang fyrir lækni sem áhuga hefur á nýsköpun og framþróun í heilsugæslu.

Hæfniskröfur

  • Íslenskt lækningaleyfi
  • Sérfræðimenntun í heimilislækningum
  • Skipulagshæfni, sjálfstæði í starfi og öguð vinnubrögð
  • Reynsla af kennslu er æskileg
  • Góð hæfni í mannlegum samskiptum
  • Reynsla og áhugi til samstarfs við aðrar starfsstéttir og þátttaka í teymisvinnu
  • Áreiðanleiki, faglegur metnaður, jákvæðni og sveigjanleiki
  • Góð almenn tölvukunnátta
  • Íslenskukunnátta er skilyrði 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Umsókn skal fylgja ítarleg náms- og starfsferilskrá þar sem gerð er grein fyrir ástæðu umsóknar og kynningarbréf þar sem fram kemur rökstuðningur fyrir hæfni viðkomandi í starfið. Leggja skal fram staðfestar upplýsingar um læknismenntun, læknisstörf, vísinda- og rannsóknarstörf. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík. 

Mat á hæfni umsækjenda byggist á innsendum gögnum og viðtölum við umsækjendur. Tekið er mið af jafnréttis- og mannréttindarstefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu hefur verið tekin. Umsókn getur gilt í 6 mánuði.

Starfshlutfall er 100%

Umsóknarfrestur er til og með 31.01.2022

Nánari upplýsingar veitir

Kristín Þorbjörnsdóttir - [email protected] - 513-6000
Hafsteinn Freyr Hafsteinsson - [email protected] - 513-6000

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira