Hoppa yfir valmynd
HeilbrigðisþjónustaHöfuðborgarsvæðiðHeilsugæsla höfuðborgarsvæðisins

Sérfræðingur í geðlækningum - Geðheilbrigðisþjónusta HH

Sérfræðingur í geðlækningum - Geðheilbrigðisþjónusta HH

Spennandi starf fyrir sérfræðing í geðlækningum þar sem áhersla er á teymisvinnu og þróunarstarf.

Heilsugæsla höfuðborgarsvæðisins, HH, óskar eftir sérfræðingi í geðlækningum í geðheilsuteymi HH og í geðlæknaráðgjöf. Um er að ræða 100% ótímabundið starf í 2.stigs þjónustu við Geðheilsuteymi HH austur og Geðheilsuteymi HH suður ásamt þátttöku í ráðgjafaþjónustu. Æskilegt er að viðkomandi geti hafið störf sem fyrst eða eftir nánara samkomulagi. Til greina kemur að ráða almennan lækni í stað geðlæknis og verður starfið þá unnið undir handleiðslu geðlæknis í náinni teymisvinnu. Geðheilsuteymi HH austur er staðsett á Stórhöfða 23 og Geðheilsuteymi HH suður er staðsett í Bæjarlind 1-3.

Hlutverk geðheilsuteyma HH er að þjónusta einstaklinga 18 ára og eldri sem glíma við geðraskanir til lengri eða skemmri tíma. Þjónusta geðheilsuteyma HH byggir á batahugmyndafræði og þverfaglegri samvinnu, þar sem stuðst er við klínískar leiðbeiningar, gagnreyndar meðferðir og valdeflingu.

Geðheilsuteymi HH eru þverfagleg og þar starfa geðlæknar, hjúkrunarfræðingar, sálfræðingar, félagsráðgjafar, fjölskyldufræðingur, sjúkraliði, iðjuþjálfi, íþróttafræðingar ásamt þjónustu - og notendafulltrúum.

Helstu verkefni og ábyrgð

  • Vinna í þverfaglegum geðheilsuteymum
  • Virk þátttaka í þróunarstarfi innan teymanna
  • Viðtöl á starfsstöðvum og heimavitjanir
  • Umsjón með geðlæknis- og geðlyfjameðferð skjólstæðinga
  • Þátttaka í ráðgjöf og fræðslu til starfsmanna
  • Fræðsla til notenda og aðstandenda
  • Veita þjónustu sem þörf er á hverju sinni
  • Þátttaka í ráðgjafaþjónustu geðlækna
  • Samvinna við starfsfólk geðheilsuteyma, heilsugæslustöðva, þjónustustöðva, geðsviðs Landspítala og annarra stofnana

Hæfniskröfur

  • Íslenskt lækningaleyfi
  • Íslenskt sérfræðileyfi í geðlækningum
  • Reynsla af vinnu í samfélagsgeðþjónustu er kostur
  • Breið þekking og reynsla í geðlækningum
  • Reynsla af vinnu í heilsugæslu er kostur
  • Reynsla af vinnu í geðendurhæfingu er kostur
  • Hæfni og áhugi á teymis- og verkefnavinnu
  • Jákvæðni, sveigjanleiki og lipurð í samskiptum
  • Góð íslenskukunnátta er nauðsynleg

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Umsókn skal fylgja ítarleg náms- og starfsferilskrá og kynningarbréf þar sem gerð er grein fyrir ástæðu umsóknar. Leggja skal fram staðfestar upplýsingar um menntun, fyrri störf og reynslu. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdarstjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík.

Tekið er mið af jafnréttis- og mannréttindarstefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.

Starfshlutfall er 100%

Umsóknarfrestur er til og með 24.01.2022

Nánari upplýsingar veitir

Erik Brynjar Schweitz Eriksson - [email protected] - 513-6320
Júlíus Ingólfur Schopka - [email protected] - 513-6380

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira