Hoppa yfir valmynd
HeilbrigðisþjónustaHöfuðborgarsvæðiðLandspítali

Sérfræðilæknir í fæðingarteymi Landspítala

Sérfræðilæknir í fæðingarteymi Landspítala

Laust er til umsóknar starf sérfræðilæknis í fæðingarlækningum í fæðingarteymi kvenna- og barnaþjónustu Landspítala. Starfshlutfall er 100% og er starfið laust 1. apríl 2022 eða eftir nánara samkomulagi. 

Í fæðingarteyminu starfar öflugur hópur sérfræðilækna í nánu samstarfi við aðrar fagstéttir. Áhersla er lögð á þverfaglega samvinnu til að tryggja öryggi mæðra og barna.

Helstu verkefni og ábyrgð

Starf sérfræðilæknis í fæðingarteymi Landspítala felur í sér vinnu við fæðingarþjónustu, þ.m.t. göngudeild vegna áhættumæðraverndar og vinna við fæðingar. Þátttaka er í vöktum og bakvöktum fæðinga- og kvenlækninga. Þátttaka í kennslu og vísindavinnu sem og önnur sérverkefni, umsjónarstörf eða eftirlitsverkefni eru í samráði við yfirlækni.

Hæfniskröfur

  • Íslenskt sérfræðileyfi í fæðinga- og kvensjúkdómalækningum
  • Reynsla af störfum við áhættumæðravernd
  • Leiðtogahæfileikar
  • Góð samstarfs- og samskiptahæfni og jákvætt viðmót
  • Hæfni og geta til að starfa í teymi 
  • Reynsla af kennslu og vísindastörfum

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.2.4 í gildandi kjarasamningi lækna og ríkisins.  

Í umsóknarformið skal skrá inn upplýsingar um: 
» Fyrri störf, menntun og hæfni 
» Félagsstörf og umsagnaraðila  

Nauðsynleg fylgiskjöl: 
» Vottað afrit af prófskírteinum og starfsleyfum. 
» Ferilskrá þar sem tilgreind er reynsla af kennslu, vísindavinnu og stjórnunarstörfum.  
» Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed.  
» Kynningarbréf með rökstuðningi fyrir hæfni og sýn á starfið. 
» Afrit af umsókn um læknisstöðu hjá Embætti Landlæknis skal fylgja með umsókn. Umsækjandi sækir skjalið hér og vistar, fyllir það út og sendir með umsókn. 

Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.  

Starfsmerkingar: Heilbrigðisþjónusta, sérfræðilæknir

Starfshlutfall er 100%

Umsóknarfrestur er til og með 31.01.2022

Nánari upplýsingar veitir

Hulda Hjartardóttir - [email protected] - 824 5647

Umsókn um læknisstöðu - umsóknareyðublað Embættis landlæknis

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira