Hoppa yfir valmynd
Kennsla og rannsóknirÁn staðsetningarHáskólinn á Akureyri

Lektor í lögreglufræði

Lektor í lögreglufræði

Háskólinn á Akureyri auglýsir 100% stöðu lektors í lögreglufræði við Hug- og félagsvísindasvið

Helstu verkefni og ábyrgð

Leitað er eftir sérfræðingum á fræðasviðum félagsvísinda sem tengjast viðfangsefnum lögreglunnar og löggæslu í samfélaginu. Leitað er eftir umsækjendum sem hafa áhuga á að taka þátt í að móta nám lögreglumanna á Íslandi og rannsóknum á sviði lögreglu og löggæslufræða. Miðað er við að viðkomandi geti hafið störf eigi síðar en 1. ágúst 2022. Ráðningartími er tímabundinn til fimm ára en viðkomandi getur óskað eftir ótímabundinni ráðningu að þeim tíma liðnum samkvæmt reglum nr. 258/2016 um störf dómnefndar og ráðningar akademískra starfsmanna við Háskólann á Akureyri. Framgangur í stöðu dósents eða prófessors kemur til greina við ráðningu hafi umsækjandi hæfi til þess að mati dómnefndar.

Öll rannsóknasvið sem tengjast viðfangsefnum lögreglunnar og löggæslu í samfélaginu koma til greina. Næsti yfirmaður er deildarformaður félagsvísindadeildar.

Við námsbraut í lögreglufræði er boðið upp á tveggja ára diplómanám fyrir verðandi og starfandi lögreglumenn, eftir það er hægt að bæta við sig 60 ECTS einingum og ljúka þannig B.A. gráðu í lögreglu- og löggæslufræðum. Mennta- og starfsþróunarsetur lögreglu annast starfsnám lögreglunema í samvinnu við Háskólann á Akureyri.

Hæfniskröfur

  • Umsækjandi skal hafa þekkingu og reynslu í samræmi við alþjóðleg viðmið fyrir viðkomandi starfsheiti á fræðasviðinu, staðfest með áliti dómnefndar eða með doktorsprófi frá viðurkenndum háskóla. Tekið er við umsóknum þeirra sem hafa meistarapróf en hafa áhuga á að vinna að doktorsgráðu.
  • Umsækjandi skal sýna fram á hæfni til kennslu grunnnámskeiða á sviði lögreglufræði.
  • Gott vald á íslensku og ensku er nauðsynlegt og auk þess sem nauðsynlegt er að umsækjandi sé fær um að kenna á íslensku.
  • Nauðsynlegt er að viðkomandi hafi reynslu af störfum innan lögreglunnar.
  • Sérstök þekking og reynsla í einhverjum eftirtalinna málaflokka er nauðsynleg:
    • Lögreglurannsóknum/ sértækum rannsóknum innan lögreglunnar
    • Afbrotum í netheimum
    • Nágrannalöggæslu
    • Verkefnamiðaðri löggæslu (Problem orientated policing)
    • Þekkingarmiðaðri löggæslu (Evidence based policing)
  • Krafist er góðrar hæfni í mannlegum samskiptum og skipulagshæfni.
  • Við mat á umsóknum er einnig tekið mið af hversu vel viðkomandi uppfyllir kennslu- og rannsóknaþarfir Hug- og félagsvísindasviðs.

Umsókn skal fylgja: 

  • Greinargóð skýrsla um náms- og starfsferil, fræðistörf og kennslureynslu.
  • Staðfest afrit af öllum viðeigandi prófskírteinum.
  • Umsagnir um kennslu- og stjórnunarstörf umsækjanda eftir því sem við á.
  • Tilnefna skal þrjá meðmælendur, æskilegt er að einn þeirra sé næsti yfirmaður í núverandi starfi eða fyrra starfi umsækjanda.
  • Þær fræðilegu ritsmíðar, ef um slíkar er að ræða, sem umsækjandi telur sín bestu verk (allt að þremur ritum). Þegar fleiri en einn höfundur stendur að innsendu ritverki skal umsækjandi gera grein fyrir framlagi sínu til verksins.
  • Þá skal umsækjandi gera grein fyrir áformum um rannsóknir ef til ráðningar kemur.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.

Meðferð umsókna, mat á hæfi umsækjenda og ráðning í starfið er í samræmi við ákvæði laga um háskóla nr. 63/2006, laga nr. 85/2008 um opinbera háskóla, reglur nr. 387/2009 fyrir Háskólann á Akureyri með áorðnum breytingum og reglur nr. 258/2016 um störf dómnefndar og ráðningar akademískra starfsmanna við Háskólann á Akureyri. Ófullnægjandi umsóknir eru ekki teknar til greina. Háskólinn á Akureyri áskilur sér rétt til að hafna öllum umsóknum. Öllum umsóknum verður svarað þegar ákvörðun um ráðningu í starfið hefur verið tekin.

Háskólinn á Akureyri stuðlar að jafnrétti kynjanna og hvetur öll kyn til að sækja um laus störf. 

Starfshlutfall er 100%

Umsóknarfrestur er til og með 14.02.2022

Nánari upplýsingar veitir

Andrew Paul Hill - [email protected] - 4608676
Birgir Guðmundsson - [email protected] - 4608658

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira