Hoppa yfir valmynd
HeilbrigðisþjónustaHöfuðborgarsvæðiðLandspítali

Almennur læknir á sýkla- og veirufræðideild Landspítala með áherslu á veirufræði

Almennur læknir á sýkla- og veirufræðideild Landspítala með áherslu á veirufræði

Laus eru til umsóknar störf almennra lækna við sýkla- og veirufræðideild Landspítala (SVEID), aðallega á veiruhluta deildarinnar til lengri eða skemmri tíma. Ákjósanlegt er að viðkomandi geti komið til starfa sem fyrst. 

Deildin er rannsóknastofa og tilvísunarrannsóknastofa fyrir Ísland á sviði bakteríu-, veiru-, sveppa- og sníkjudýrafræði. Hún er staðsett á tveimur stöðum, við Barónsstíg og Ármúla 1a, þar sem veirufræðin er staðsett.

Helstu verkefni og ábyrgð

  • Læknisstörf við veirufræði í Ármúla 1a
  • Læknisstörf á bakteríu-, sveppa- og sníkjudýrahluta deildarinnar ef óskað er, þó í minna mæli.
  • Þátttaka í kennslu og leiðsögn fyrir heilbrigðisstarfsmenn og nema
  • Hugsanlega þátttaka í vísindarannsóknum sem tengjast sérgreininni
  • Þátttaka í vöktum lækna deildarinnar þegar á líður (bakvaktir til miðnættis, engar næturvaktir)

Hæfniskröfur

  • Íslenskt lækningaleyfi 
  • Sérnámsgrunni eða sambærilegu starfsnámi lokið við upphaf starfs
  • Lágmarkskunnátta í íslensku
  • Frumkvæði og sjálfstæð vinnubrögð 
  • Jákvætt viðmót og hæfni í mannlegum samskiptum

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Veirufræðin sér um greiningar veirusýkinga. Deildin gegnir mikilvægu starfi við greiningu veirusjúkdóma og hefur lengi verið framarlega í því að þróa nýjar aðferðir. Hún hefur verið í miklum vexti síðan covid-19 faraldurinn hófst, með mikilli umbyltingu í tækjakosti og fjölgun starfsmanna. Læknar deildarinnar gegna mikilvægu hlutverki í starfseminni. Þeir aðstoða við val á rannsóknum, sjá um svör og túlkun niðurstaðna og veita almenna ráðgjöf um veirusjúkdóma og greiningu þeirra. Unnið er í dagvinnu og á bakvöktum til miðnættis og um helgar. Ætlunin er að almennir læknar taki fljótlega þátt í læknastarfinu ásamt því að vera með á vöktum.

 Nauðsynleg fylgiskjöl:

  • Starfsferilskrá
  • Vottað afrit af prófskírteini og starfsleyfi

Ráðning í starfið byggist á innsendum gögnum og viðtölum. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, almennur læknir

Starfshlutfall er 100%

Umsóknarfrestur er til og með 01.02.2022

Nánari upplýsingar veitir

Guðrún Svanborg Hauksdóttir - [email protected] - 825 9487

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira