Hoppa yfir valmynd
SérfræðistörfNorðurlandHáskólinn á Akureyri

Náms- og starfsráðgjafi

Náms- og starfsráðgjafi

Háskólinn á Akureyri leitar að öflugum náms- og starfsráðgjafa í fullt starf. Háskólinn á Akureyri leggur metnað sinn í að vera nútímaháskóli með nútímaaðferðir í kennslu og ráðgjöf. Í HA er allt nám í sveigjanlegu námsumhverfi og stoðþjónusta miðuð að stúdentum óháð búsetu. 

Um spennandi framtíðarstarf er að ræða fyrir öflugan og áhugasaman náms- og starfsráðgjafa í starfsumhverfi sem er í stöðugri þróun. Næsti yfirmaður er forstöðumaður Náms- og starfsráðgjafar. Æskilegt að umsækjandi geti hafið störf sem fyrst. Starfsstöðin er á háskólasvæðinu á Akureyri.

Helstu verkefni og ábyrgð

  • Náms- og starfsráðgjöf fyrir háskólastúdenta og umsækjendur
  • Stuðningur við nemendur, einstaklings- og hópráðgjöf
  • Umsjón og leiðsögn á námskeiðum, fyrirlestrum og vinnustofum fyrir háskólastúdenta á vegum náms- og starfsráðgjafar HA
  • Umsjón og þjónusta vegna sérúrræða í námi
  • Upplýsingagjöf til háskólastúdenta um almenn réttindamál þeirra og skyldur
  • Þátttaka í áframhaldandi þróun náms- og starfsráðgjafar við HA s.s. með áherslu á stuðning við stúdenta í sveigjanlegu námsumhverfi og rafræna þróun ráðgjafar
  • Samstarf við starfseiningar innan HA, aðrar menntastofnanir og fagaðila
  • Þátttaka í ýmsum þróunarverkefnum innan háskólans eða samstarfsaðila utan skólans

Hæfniskröfur

  • Háskólamenntun og starfsleyfi sem náms- og starfsráðgjafi er skilyrði
  • Reynsla af náms- og starfsráðgjöf er skilyrði
  • Reynsla af náms- og starfsráðgjöf í háskóla er mikill kostur
  • Reynsla af rafrænni ráðgjöf og upplýsingatækni er mikill kostur
  • Reynsla af gerð námskeiða og námskeiðshald í náms- og starfsráðgjöf er kostur
  • Þekking og áhugi á nýjungum í náms- og starfsráðgjöf
  • Framúrskarandi hæfni í mannlegum samskiptum
  • Frumkvæði, sveigjanleiki og sjálfstæði í starfi
  • Góð íslensku- og enskukunnátta

Umsókn skal fylgja:

  • Greinargóð ferilskrá
  • Staðfest afrit af prófskírteinum og leyfisbréfi
  • Kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið
  • Tilnefna skal a.m.k. tvo meðmælendur og er æskilegt að einn þeirra sé næsti yfirmaður í núverandi eða fyrra starfi umsækjanda.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.

Ófullnægjandi umsóknir eru ekki teknar til greina. Öllum umsóknum verður svarað þegar ákvörðun um ráðningu hefur verið tekin. Umsókn getur gilt í sex mánuði eftir að umsóknarfresti lýkur. Háskólinn á Akureyri áskilur sér rétt til að hafna öllum umsóknum.  

Háskólinn á Akureyri stuðlar að jafnrétti kynjanna og hvetur öll kyn til að sækja um laus störf.

Starfshlutfall er 100%

Umsóknarfrestur er til og með 31.01.2022

Nánari upplýsingar veitir

Árný Þóra Ármannsdóttir - [email protected] - 4608038

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira