Hoppa yfir valmynd
SérfræðistörfHöfuðborgarsvæðiðRíkislögreglustjóri

Sérfræðingur á sviði bókhalds og innkaupa

Sérfræðingur á sviði bókhalds og innkaupa

Embætti ríkislögreglustjóra leitar að drífandi og öflugum einstakling með reynslu á sviði bókhalds og innkaupa. Um er að ræða 100% starf.

Embætti ríkislögreglustjóra er lifandi þekkingarvinnustaður sem býr að fjölbreyttum og framúrskarandi mannauði þar sem starfa tæplega 200 starfsmenn sem sinna margbreytilegum verkefnum. Við leggjum áherslu á opin og jákvæð samskipti, markvissa starfsþróun og vinnum í samræmi við stefnu embættisins um samræmingu fjölskyldulífs og vinnu. Embætti ríkislögreglustjóra hefur hlotið jafnlaunavottun.

Stefna embættis ríkislögreglustjóra í hnotskurn: Okkar tilgangur er að vernda og virða - Okkar sýn er að vinna að öruggara samfélagi - Okkar markmið er að vera þjónstudrifin, framsækin og upplýsandi með áherslu á þjónustu - fagmennsku - mannauð - tækni - rekstur.

Helstu verkefni og ábyrgð

Bókhald

  • Móttaka og tegundamerking reikninga fyrir bókhaldskerfi ríkisins (Orra)
  • Móttökuskráning rafrænna reikninga
  • Greiðsla erlendra reikninga
  • Jöfnun reikninga í vefpöntunarkerfi/verkbókhaldi
  • Reikningagerð, tekjur
  • Kostnaðarútreikningar
  • Uppgjör ýmissa verkefna RLS svo sem v/Schengen og almannavarnadeildar RLS
  • Afgreiðsla dagpeninga og ferðauppgjör
  • Afstemmingar banka og greiðslukorta
  • Rafræn móttaka og afgreiðsla útlagðs kostnaðar
  • Eftirlit með viðskiptakröfum
  • Uppgjör og skil til Ríkisendurskoðunar og FJS
  • Uppgjör innkaupakorta RLS
  • Samskipti við birgja vegna reikninga
  • Samskipti við FJS vegna bókhalds RLS
  • Umsjón með samþykktarkerfi RLS
  • Önnur verkefni sem tengjast bókhaldi

Innkaup

  • Umsjón og innleiðing verkbókhalds
  • Umsjón og innleiðing vefpöntunarkerfis
  • Umsjón með innkaupamálum, samningum við birgja og aðkoma útboða

Hæfniskröfur

  • Menntun sem nýtist í starfi
  • Reynsla af bókhaldi í fjárhags- og mannauðskerfi ríkisins (Orri)
  • Góð kunnátta og færni í Excel
  • Talnalæsi og reynsla af tölfræðilegri úrvinnslu
  • Jákvæðni, þjónustulund og seigla
  • Mjög góð samskipta- og samstarfshæfni
  • Faglegur metnaður, nákvæmni og góð skipulagshæfni
  • Hæfni til að vinna sjálfstætt sem og hluti af teymi

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsækjendur skulu senda inn ferilskrá að hámarki 2 bls. ásamt kynningarbréfi sem er að hámarki 1 bls. á íslensku þar sem gerð er grein fyrir ástæðu umsóknar og hæfni umsækjanda sem nýtist til að sinna starfinu í samræmi við þær hæfniskröfur sem fram koma í auglýsingu. Ef kynningarbréf eða ferilskrá, eða hvort tveggja vantar, eða eru á erlendum tungumálum, verða umsóknir ekki teknar til greina. Við ákvörðun um boðun í starfsviðtal verður meðal annars litið til gæða umsóknargagna. 

Umsækjendum um störf hjá embætti ríkislögreglustjóra kann að vera gert að leysa verkefni í ráðningarferlinu sem kæmu, auk annarra þátta, heildstætt inn í mat á hæfni þeirra til viðkomandi starfa.

Umsóknarfestur er til 27. janúar nk. Öllum umsóknum verður svarað að loknum ráðningum. Umsóknir geta gilt í 6 mánuði frá lokum umsóknarfrests. Í ljósi ríkjandi kynjahlutfalls innan lögreglu og jafnréttisáætlunar lögreglunnar, eru konur sérstaklega hvattar til að sækja um. 

Vakin er athygli á því að samkvæmt 28. gr. a. lögreglulaga nr. 90/1996 má engan skipa, setja eða ráða til starfa hjá lögreglu sem hefur hlotið fangelsisdóm fyrir refsiverðan verknað sem framinn var eftir að hann varð fullra 18 ára eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu. Einnig þurfa umsækjendur að uppfylla kröfur til að fá öryggisvottun á grundvelli reglugerðar nr. 959/2012.

Starfshlutfall er 100%

Umsóknarfrestur er til og með 27.01.2022

Nánari upplýsingar veitir

Halldór Halldórsson - [email protected]
Ágústa Hlín Gústafsdóttir - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira