Hoppa yfir valmynd
StjórnunarstörfNorðurlandHólaskóli

Rektor

Rektor

Embætti rektors við Háskólann á Hólum er laust til umsóknar.

Leitað er að framsýnum og metnaðarfullum leiðtoga í krefjandi og fjölbreytt starf rektors. Mikilvægt er að viðkomandi hafi brennandi áhuga á háskólamálum og skýra framtíðarsýn fyrir akademískt hlutverk skólans. Rektor er æðsti stjórnandi háskólans og talsmaður hans út á við.

Helstu verkefni og ábyrgð

  • Ábyrgð á að skólastarfið sé í samræmi við lög, reglugerðir og önnur gildandi fyrirmæli á hverjum tíma.
  • Stjórnun skólans, stefnumótunarvinna og umbótastarf.
  • Daglegur rekstur, þ.m.t. áætlanagerð og kostnaðareftirlit.
  • Samskipti við stjórnvöld og aðra samstarfsaðila.

Hæfniskröfur

  • Akademískt hæfi og þekking á rannsóknum og starfi háskóla.
  • Farsæl reynsla af stjórnun og rekstri.
  • Leiðtogahæfileikar og framúrskarandi samskiptahæfni.
  • Reynsla af stefnumótunarvinnu og breytingastjórnun.
  • Frumkvæði og metnaður til að ná árangri í starfi.
  • Hæfni til nýsköpunar og að hrinda breytingum í framkvæmd.
  • Góð kunnátta í íslensku og ensku, bæði í ræðu og riti.
  • Þekking og reynsla af stjórnsýslu er kostur.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Hæfni umsækjenda um embættið verður skoðuð í ljósi heildarmats á öllum ofangreindum þáttum með tilliti til þess hvernig þeir munu nýtast í starfinu.

Umsókn skal fylgja ítarleg náms- og starfsferilskrá, kynningarbréf þar sem gerð er grein fyrir ástæðu umsóknar og rökstuðningur um færni viðkomandi til að gegna starfinu auk þess staðfest eintök af prófskírteinum. Sótt er um starfið gegnum vef ráðningarstofunnar Vinnvinn: https://recruitcrm.io/apply/16421564585790011248dgP

Gert er ráð fyrir að ráðherra háskólamála skipi í embætti rektors til fimm ára frá og með 1. júní 2022 skv. tilnefningu háskólaráðs. Háskólaráð tilnefnir valnefnd sem metur hæfi umsækjenda.

Nánari upplýsingar veita Jensína K. Böðvarsdóttir ([email protected]) og Auður Bjarnadóttir ([email protected]) hjá Vinnvinn og Edda Matthíasdóttir, sviðsstjóri mannauðs, gæða og rekstrar hjá Háskólanum á Hólum ([email protected]). 

Háskólinn á Hólum er elsta menntastofnun landsins. Við skólann er boðið upp á gæðanám á grunn- og framhaldsnámsstigi sem og öflugt rannsóknastarf. Háskólinn er miðstöð þekkingar á þremur fræðisviðum: hestafræði, ferðamálafræði og fiskeldis-, sjávar- og vatnalíffræði. Við háskólann leggja um 250 einstaklingar stund á nám á ári hverju og starfsmenn eru um 50 talsins. Starfsstöðvar skólans eru tvær, að Hólum í Hjaltadal og á Sauðárkróki. Nánari upplýsingar er að finna á www.holar.is

 

Starfshlutfall er 100%

Umsóknarfrestur er til og með 07.02.2022

Nánari upplýsingar veitir

Edda Matthíasdóttir - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira