Hoppa yfir valmynd
HeilbrigðisþjónustaHöfuðborgarsvæðiðHeilsugæsla höfuðborgarsvæðisins

Fjölskyldufræðingur á Geðheilsumiðstöð barna HH

Fjölskyldufræðingur á Geðheilsumiðstöð barna HH

Nýtt ráðgjafar- og meðferðarteymi fyrir börn með geð- og þroskaraskanir og fjölskyldur þeirra auglýsir eftir fjölskyldufræðingi til starfa. Starfshlutfall er 100% eða eftir nánara samkomulagi. Æskilegt er að viðkomandi getið hafið störf 1. september n.k.. Geðheilsumiðstöð barna  er miðstöð geðheilbrigðisþjónustu fyrir börn á landsvísu, staðsett innan Heilsugæslu höfuðborgarsvæðisins. Miðstöðin sameinar starfsemi þriggja starfseininga innan heilsugæslunnar; Þroska og hegðunarstöð, Geðheilsuteymi fjölskylduvernd og nýtt meðferðarteymi fyrir börn og unglinga. 

 Geðheilsumiðstöð barna veitir 2. stigs geðheilbrigðisþjónustu á landsvísu fyrir börn að 18 ára aldri. Áhersla er lögð á fjölskyldumiðaða þjónustu. Á miðstöðinni starfar breiður hópur fagfólks sem sinnir greiningum og meðferð. Kennsla og ráðgjöf auk vísindastarfa  verður einnig mikilvægur hluti af starfseminni. 

Helstu verkefni og ábyrgð

Fjölskyldufræðingur starfar í þverfaglegu teymi við greiningu og meðferð barna með geð- eða þroskavanda. Fjölskylduvinna er einn lykilþátta starfsins. Fjölskyldufræðingur tekur virkan þátt í umbótastarfi og þróun þjónustu. Fjölskyldufræðingur sinnir ennfremur sérhæfðri fjölskyldumeðferð og ráðgjöf til barna og fjölskyldna þeirra.

Hæfniskröfur

  • Löggilt nám af heilbrigðis- eða félagsvísindasviði 
  • Framhaldsmenntun í fjölskyldumeðferð skilyrði
  • Reynsla af meðferðarvinnu 
  • Faglegur metnaður, sjálfstæði í starfi, skipulagshæfni og öguð vinnubrögð
  • Góð hæfni í mannlegum samskiptum og áhugi og vilji til að starfa í þverfaglegu teymi 
  • Góð íslensku kunnátta  

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja ítarleg náms- og starfsferilskrá og kynningarbréf þar sem gerð er grein fyrir ástæðu umsóknar. Leggja skal fram staðfestar upplýsingar um menntun, fyrri störf og reynslu ásamt hreinu sakavottorði. 

Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdarstjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík.

Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.

Starfshlutfall er 100%

Umsóknarfrestur er til og með 07.06.2022

Nánari upplýsingar veitir

Linda Kristmundsdóttir - [email protected] - 513-6620

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira