Hoppa yfir valmynd
HeilbrigðisþjónustaVesturlandHeilbrigðisstofnun Vesturlands

Sjúkraþjálfari Stykkishólmi

Sjúkraþjálfari Stykkishólmi

HVE Stykkishólmi óskar eftir að ráða sjúkraþjálfara til starfa. Um er að ræða 100% stöðu í dagvinnu við Háls- og bakdeildina, en starfshlutfall er umsemjanlegt. Staðan er laus frá og með 1.6.2022.

Á HVE Stykkishólmi er starfrækt dagdeild fyrir fólk með verki frá hálsi og/eða baki og þjónar hún öllum landsmönnum. Einnig er á spítalanum sjúkradeild, hjúkrunarrými og göngudeild sem sjúkraþjálfarar sinna eftir þörfum.

Þá er aðstaða til leigu á heilsugæslunni í Ólafsvík og tækifæri á að sinna þjónustu við íbúa þar. 

Helstu verkefni og ábyrgð

Starfið á Háls- og bakdeild er teymisvinna og gengur út á sérhæfða einstaklingsmiðaða meðferð sem stendur að jafnaði í 10 daga. Fjölbreytt verkefni koma til á hinum deildunum en spítalinn sinnir fólki af öllu Snæfellsnesi og inn í Dali. Á göngudeild kemur einnig fjölbreyttur hópur fólks af svæðinu öllu eftir þörfum.

Sinnir heilsueflingu, forvörnum, meðhöndlun, þjálfun, hæfingu og endurhæfingu. Framkvæma heildstæða skoðun/mat á skjólstæðingi sínum eða þörfum skjólstæðingahóps. Ákvarða greiningu, horfur, áætlun og eftirfylgni. Veitir ráðgjöf til skjólstæðinga og annarra starfsmanna HVE. Útfærir meðferðir sjúkraþjálfara og metur árangur.

Hæfniskröfur

Íslenskt starfsleyfi sjúkraþjálfara. Áhugi á stoðkerfis- og verkjameðferð. Áhugi á að kynnast og læra að meta og beita aðferðum eftir þeirri hugmyndafræði sem ástunduð er á Háls- og bakdeild. Frumkvæði, skipulagshæfni, nákvæmni, samskiptafærni og þjónustulund. 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag sjúkraþjálfara hafa gert.

Sótt er um á www.hve.is eða www.starfatorg.is. Með umsókn skal fylgja ferilskrá og staðfest afrit af starfsleyfi. Öllum umsóknum verður svarað þegar ákvörðun um ráðningu hefur verið tekin. 

Stykkishólmur er fallegt bæjarstæði við Breiðafjörð, með um 1200 íbúum og blómlegu mannlífi og háu þjónustustigi. Möguleiki er á aðstoð við útvegun húsnæðis.

Starfshlutfall er 100%

Umsóknarfrestur er til og með 25.05.2022

Nánari upplýsingar veitir

Hrefna Frímannsdóttir - [email protected] - 432 1200

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira