Hoppa yfir valmynd
HeilbrigðisþjónustaHöfuðborgarsvæðiðLandspítali

Hjúkrunarfræðingur óskast sem fyrst í afleysingu á verkjamiðstöð Landspítala

Hjúkrunarfræðingur óskast sem fyrst í afleysingu á verkjamiðstöð Landspítala

Við leitum eftir metnaðarfullum hjúkrunarfræðingi sem hefur áhuga á verkjameðferðum og hefur góða hæfni í samskiptum. Um er að ræða afleysingastarf til eins árs. Starfshlutfall er samkomulag (60-100%), unnið er í dagvinnu og er starfið laust nú þegar eða eftir nánara samkomulagi. Lögð er áhersla á að taka vel á móti nýjum starfsmönnum og veita góða og markvissa aðlögun. 

Á verkjamiðstöð Landspítala er veitt sérhæfð meðferð, ráðgjöf og þjónusta við einstaklinga með erfiða verki. Að þjónustunni kemur þverfaglegt teymi sérfræðinga í hjúkrun, svæfingalækna, sálfræðings, lyfjafræðings og sjúkraþjálfara. 

Helstu verkefni og ábyrgð

  • Er þátttakandi í þverfaglegri samvinnu um mat og meðferð verkja
  • Veitir einstaklinsmiðaða hjúkrun og fræðslu til þeirra sem koma í sérhæfða verkjameðferð
  • Sinnir eftirfylgd við sjúklinga sem koma í sérhæfða verkjameðferð
  • Er virkur þátttakandi í uppbyggingu deildar og stuðlar að góðum starfsanda

Hæfniskröfur

  • Íslenskt hjúkrunarleyfi
  • Góð samskiptahæfni og hæfni í þverfaglegri teymisvinnu
  • Frumkvæði og sjálfstæði í vinnubrögðum
  • Reynsla af hjúkrun sjúklinga með flókin verkjavandamál æskileg

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi. 

Ákvörðun um ráðningu byggist á innsendum gögnum og viðtölum. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, hjúkrunarfræðingur, hjúkrun

Starfshlutfall er 60-100%

Umsóknarfrestur er til og með 23.05.2022

Nánari upplýsingar veitir

Ólafur Guðbjörn Skúlason - [email protected] - 824 5118
Sigríður Zoéga - [email protected] - 824 5494

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira