Hoppa yfir valmynd
Kennsla og rannsóknirNorðurlandHáskólinn á Akureyri

Verkefnastjóri við uppbyggingu háskólanáms á Austurlandi

Verkefnastjóri við uppbyggingu háskólanáms á Austurlandi

Laus er til umsóknar staða verkefnastjóra iðn- og tæknifræðikennslu á Austurlandi. Leitað er að einstaklingi með háskólamenntun í verk-, iðn- eða tæknifræði ásamt haldgóðri þekkingu á verkefnastjórnun. Sérstök áhersla er lögð á samskiptahæfni og frumkvæði þar sem viðkomandi þarf að vinna með fjölbreyttum hópi innan beggja háskólanna.

Helstu verkefni og ábyrgð

  • Að veita forystu samstarfi HR /HA um nám á Austurlandi..
  • Umsjón með nemendahóp HR/HA sem stundar nám í Háskólagrunni HR á Austurlandi.
  • Kennsla í verkefna- og dæmatímum.
  • Verkefni er tengjast uppbyggingu náms í iðn- og tæknifræði við HR/HA á Austurlandi

Hæfniskröfur

  • Háskólamenntun á sviði verk-, iðn- eða tæknifræði.
  • Reynsla af kennslu æskileg.
  • Frumkvæði og góð samskiptahæfni.
  • Skipulags- og stjórnunarhæfni.


Helstu fylgigögn með umsókn eru:

  • Greinargóð skýrsla um náms- og starfsferil, fræðistörf og kennslureynslu.
  • Kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.
  • Staðfest afrit af öllum viðeigandi prófskírteinum.
  • Umsagnir um kennslu- og stjórnunarstörf umsækjanda eftir því sem við á.
  • Tilnefna skal tvo meðmælendur, æskilegt er að annar þeirra sé næsti yfirmaður í núverandi starfi eða fyrra starfi umsækjanda.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.

Verkefnastjórinn mun sinna samstarfi Háskólans í Reykjavík og Háskólans á Akureyri um kennslu í Háskólagrunni HR á Austurlandi.  Í því felst skipulag kennslu í samstarfi við frumgreinadeild HR, kennsla í verkefna- og dæmatímum ásamt áframhaldandi uppbyggingu á samstarfi HA og HR á Austurlandi.

Um er að ræða ráðningu til árs með möguleika á framlengingu í allt að tveggja ára ráðningu. Ráðið er í stöðuna frá og með 1. júlí 2022 eða skv. samkomulagi. Næsti yfirmaður er forseti Viðskipta- og raunvísindasviðs HA. Starfsstöð verkefnastjóra er á Reyðarfirði.

Ófullnægjandi umsóknir eru ekki teknar til greina og áskilja háskólarnir sér rétt til að hafna öllum umsóknum. Öllum umsóknum verður svarað þegar ákvörðun um ráðningu í starfið hefur verið tekin. Umsókn getur gilt í sex mánuði frá lokum umsóknarfrests.

Nánari upplýsingar um starfið veita Jóna Árný Þórðardóttir, framkvæmdastjóri Austurbrúar, [email protected], símanúmer 4703800 og Ólafur Jónsson, verkefnastjóri, [email protected], símanúmer 4608097.

Starfshlutfall er 100%

Umsóknarfrestur er til og með 23.05.2022

Nánari upplýsingar veitir

Ólafur Jónsson, Verkefnastjóri - [email protected] - 4608097

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira