Hoppa yfir valmynd
HeilbrigðisþjónustaHöfuðborgarsvæðiðHáskóli Íslands

Tanntæknir í Tannlæknadeild - Heilbrigðisvísindasvið Háskóla Íslands

Tanntæknir í Tannlæknadeild - Heilbrigðisvísindasvið Háskóla Íslands

Laust eru til umsóknar 65% starf tanntæknis á aðgerðarstofu Tannlæknadeildar Háskóla ÍslandsLægra starfshlutfall kemur einnig til greina.

Leitað er að einstaklingi sem nýtur þess að vinna með fólki, leiðbeina og þjónusta. Viðkomandi þarf einnig að vera lausnamiðaður, úrræðagóður og vinna vel undir álagi.

Helstu verkefni og ábyrgð

  • Undirbúningur fyrir verklega kennslu og aðstoð á aðgerðastofu.
  • Vinna við sótthreinsun.
  • Móttaka og símsvörun.
  • Rafræn skráning sjúkragagna og röntgenmyndatökur.
  • Umsjón að hluta til með skurðstofu.
  • Samskipti og stuðningur við klíníska kennslu

Hæfniskröfur

  • Tanntæknamenntun frá námsbraut tanntækna er æskileg, en önnur heilbrigðistengd menntun kemur einnig til greina.
  • Reynsla af sambærilegum verkefnum er æskileg.
  • Góð færni í mannlegum samskiptum og rík þjónustulund 
  • Góð almenn tölvukunnátta.
  • Frumkvæði, metnaður og nákvæmni í starfi.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Vinnutíminn er breytilegur og fer að hluta til eftir árstíðabundnu álagi í tengslum við kennslu í deildinni. Kennslutímabilið er að jafnaði frá miðjum ágúst til loka nóvember á haustmisseri og frá byrjun janúar til loka apríl á vormisseri.

Tannlæknastofa deildarinnar (klíníkin) veitir almenningi, nemendum og kennurum bæði almenna og sérhæfða þjónustu. Tannlæknastofan er kennslustofnun líkt og spítalar eru fyrir verklegt nám annarra heilbrigðisstétta. Í samstarfi við Fjölbrautarskólann í Ármúla fer einnig fram kennsla í tanntækni, einni af stoðgreinum tannlækninga. 

Klínísk kennsla deildarinnar stenst alþjóðlegan samanburð samkvæmt jafningjamati, enda hafa kennarar sótt framhaldsmenntun sína til margra af bestu tannlæknaskólum í Bandaríkjunum og Evrópu.

Eftirfarandi gögn skulu fylgja umsókn:

  • Ferilskrá
  • Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
  • Staðfest afrit af prófskírteinum
  • Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Við ráðningu í störf í Háskóla Íslands er tekið mið af jafnréttisáætlun skólans

Vakin er athygli á málstefnu Háskóla Íslands.

Heilbrigðisvísindasvið er eitt af fimm fræðasviðum Háskóla Íslands. Innan sviðsins eru sex deildir; Hjúkrunarfræðideild, Lyfjafræðideild, Læknadeild, Matvæla- og næringarfræðideild, Sálfræðideild og Tannlæknadeild. Starfsmenn sviðsins eru ríflega 400 og nemendur um 3300. Þá koma ríflega 1000 stundakennarar að kennslu innan sviðsins á hverju ári.

Háskóli Íslands er stærsta kennslu-, rannsókna- og vísindastofnun Íslands og eini skólinn hérlendis sem er á báðum virtustu matslistunum yfir bestu háskóla heims, Times Higher Education World University Rankings og Shanghai Ranking.

Starfshlutfall er 65%

Umsóknarfrestur er til og með 25.05.2022

Nánari upplýsingar veitir

Svanhildur Ólafsdóttir, deildarstjóri - [email protected] - 5254888

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira