Hoppa yfir valmynd
SkrifstofustörfHöfuðborgarsvæðiðLandspítali

Tæknimaður í kennslu og hermisetri

Tæknimaður í kennslu og hermisetri

Þetta er fágætt tækifæri til að verða hluti af teymi í klínískri hermiþjálfun og annarri kennslu hjá menntadeild Landspítala. Fólk af öllum þjóðernum og kynjum er hvatt til að sækja um.  Þarf að geta hafið störf um miðjan ágúst 2022. 

Helstu verkefni menntadeildar eru starfsþróun fagfólks og skipulag verklegrar menntunar. Umhverfið er spennandi, starfsaðstaðan ný, gott mötuneyti  og vinnufélagarnir með fjölbreyttan bakgrunn. Áhersla er á teymisvinnu, gagnrýna hugsun og sveigjanleika. Innleiðing nýrra kerfa fyrir náms- og hæfnistjórnun er í undirbúningi.

Hver ert þú? 

  • Áhugi á að starfa innan heilbrigðisþjónustu
  • Áhugi á fræðslu og miðlun
  • Metnað til að bæta við hæfni þína
  • Frumkvæði, skipulagshæfni, innsæi og lausnarmiðaða hugsun
  • Hæfni í þverfaglegum samskiptum
  • Nákvæm og öguð vinnubrögð

Helstu verkefni og ábyrgð

Helstu verkefnin fela í sér almenna aðstoð í hermistofum, setja upp og ganga frá búnaði, forrita kennsludæmi í hugbúnað, stýra hugbúnaði í hermiþjálfun, aðstoð við hljóð- og myndvinnslu og umsjón með búnaði. Viðhalda og uppfæra vefsíðu. Önnur verkefni geta verið t.d. almenn tækniaðstoð og skipulag.

Hæfniskröfur

  • Tækniþekking sem nýtist í starfi, t.d. á sviði hljóðtækni, tölvunarfræði, upplýsingatækni, rafeindatækni og/eða myndvinnslu
  • Tölvulæsi í víðustu merkingu þess orðs
  • Mjög góð enskukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn fylgi starfsferilsskrá og starfsleyfi (ef við á) auk kynningarbréfs og prófskírteini. Öllum umsóknum verður svarað þegar ákvörðun um ráðningu hefur verið tekin. Tekið er mið af jafnréttisstefnu Landspítalans við ráðningu. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum. Hlutverk Landspítala er að sinna sjúkum, kenna og þjálfa starfsfólk og nemendur og stunda rannsóknir.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Upplýsingatækni, teymisvinna, forritari, námskeið, stafræn miðlun

Starfshlutfall er 100%

Umsóknarfrestur er til og með 01.06.2022

Nánari upplýsingar veitir

Hrund Scheving Thorsteinsson - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira