Hoppa yfir valmynd
StjórnunarstörfHöfuðborgarsvæðiðVegagerðin

Verkefnastjóri kerfa- og tækniþróunar

Verkefnastjóri kerfa- og tækniþróunar

Þjónustusvið Vegagerðarinnar leitar að framsýnum og útsjónarsömum einstaklingi sem verkefnastjóra kerfa- og tækniþróunar. 
Vegagerðin á og rekur mikið af búnaði og tækjum í tengslum við samgöngur bæði á sjó og landi.  Sem dæmi má nefna, umferðarljós, götulýsingu, veðurstöðvar, myndavélar, hraðamyndavélar, teljara, mengunarmæla, fjarskipti í jarðgöngum, vöktunarbúnað, vita, öldudufl og radarsvara.  Auk þessa er í rekstri fjöldinn allur af kerfum til miðlunar gagna og upplýsinga. 

Helstu verkefni og ábyrgð

Verkefnastjórn við uppbyggingu og endurnýjun á kerfum og tækniþróun á þjónustusviði. 
Sérfræðiráðgjöf og stuðningur vegna hinna ýmsu tæknimála og mótun framtíðarsýnar varðandi tækniþróun á næstu árum. Þátttaka í gerð kostnaðaráætlana og áætlana um endurnýjun á búnaði.

Hæfniskröfur

  • MSc. eða BSc í rafmagnsverkfræði, rafmagnstæknifræði eða sambærileg menntun sem nýtist í starfi
  • Þekking og reynsla í kerfum, tækjum og tækni sem tengist rekstri samgöngukerfa
  • Þekking og reynsla á sviði áætlanagerðar og verkefnastjórnunar
  • Þekking og reynsla á ferlavinnu og hagnýtingu hugbúnaðar er kostur
  • Þekking og skilningur á tækjavinnu og verkefnasviði almennrar þjónustu er kostur
  • Skipulagshæfni, frumkvæði og faglegur metnaður
  • Hæfni til að vinna sjálfstætt sem og í teymisvinnu
  • Framúrskarandi hæfni í mannlegum samskiptum
  • Góð íslensku- og enskukunnátta í rituðu og töluðu máli
  • Hæfni til að fylgja málum eftir og til að finna bestu lausnir hverju sinni

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Vegagerðin er eftirsóknarverður vinnustaður. Áhugasamir einstaklingar, eru hvattir til að sækja um óháð kyni. Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og rökstuðningur um færni viðkomandi til að gegna starfinu og upplýsingar um árangur sem viðkomandi hefur náð og telur að nýtist í starfi verkefnastjóra. 

Laun eru greidd samkvæmt kjarasamningi ríkisins og viðkomandi stéttarfélags. 
Tekið skal fram að umsóknir geta gilt í sex mánuði frá því að umsóknarfrestur rennur út.

Öllum umsóknum um starfið verður svarað þegar ákvörðun um ráðningu hefur verið tekin.

Vakin er athygli á því að persónuupplýsingum um umsækjendur kann að verða miðlað til ráðningarstofu sem kæmi að vinnu við ráðningarferlið. Öll vinnsla og meðferð persónuupplýsinga í ráðningarferlinu fer fram í samræmi við persónuverndarstefnu sem birt er á heimasíðu Vegagerðarinnar, sjá hér https://www.vegagerdin.is/um-vegagerdina/markmid-og-stefnur/personuverndarstefna/

Starfshlutfall er 100%

Umsóknarfrestur er til og með 05.07.2022

Nánari upplýsingar veitir

Bergþóra Kristinsdóttir, framkvæmdastjóri þjónustusviðs - [email protected]erdin.is - 5221000

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira