Hoppa yfir valmynd
StjórnunarstörfHöfuðborgarsvæðiðMennta- og barnamálaráðuneytið

Embætti forstjóra Menntamálastofnunar

Embætti forstjóra Menntamálastofnunar

Mennta- og barnamálaráðuneyti auglýsir laust til umsóknar embætti forstjóra Menntamálastofnunar. Stofnunin starfar samkvæmt lögum um Menntamálastofnun nr. 91/2015, þar sem kveðið er á um hlutverk og verkefni hennar.

Mennta- og barnamálaráðherra er með áform um tilfærslu verkefna milli ráðuneytis og Menntamálastofnunar með það að markmiði að skýra betur verkaskiptingu milli ráðuneytisins og stofnunarinnar þar sem stefnt verði að því að Menntamálastofnun verði öflug þjónustustofnun við menntastofnanir á leik-, grunn- og framhaldsskólastigi. Það verður verkefni nýs forstjóra, í góðu samstarfi við mennta- og barnamálaráðuneytið og starfsfólk Menntamálastofnunar, að setja fram og útfæra tillögur um leiðir að því marki.  

Framundan er spennandi og viðamikið verkefni við að móta breytt hlutverk Menntamálastofnunar og nýtt skipurit og því leitum við að stjórnendum með brennandi áhuga og framúrskarandi hæfni í að leiða árangursríkar breytingar. 

Helstu verkefni og ábyrgð

  • Ábyrgð á að Menntamálastofnun starfi í takti við stefnu mennta- og barnamálaráðuneytis í menntamálum.
  • Gott samstarf og samvinna við mennta- og barnamálaráðuneyti, m.a. við forgangsröðun verkefna.
  • Ábyrgð á faglegu starfi stofnunarinnar og farsælli stjórnun. 
  • Leiða og styðja öflugt starfsfólk til árangurs.
  • Ábyrgð á rekstri stofnunarinnar og því að hún uppfylli stjórnsýslulegar skyldur sínar. 
  • Góð og jákvæð samskipti og samstarf við hagaðila og aðra innlenda og erlenda aðila sem koma að verkefnum stofnunarinnar. 

Hæfniskröfur

Leitað er að öflugum einstaklingi til krefjandi stjórnunar- og leiðtogastarfa þar sem reynir á samskiptahæfni, frumkvæði, forystuhæfileika og skipulögð vinnubrögð.  Farsæl reynsla af breytingarstjórnun og afburða færni í að móta og innleiða framtíðarsýn er nauðsynleg ásamt framúrskarandi hæfni í mannlegum samskipum. Forstjóri þarf að hafa þekkingu og getu til að leiða öflugan hóp starfsmanna til árangurs hvað varðar gæði þjónustu og þekkingar á sviði menntamála.   

  • Árangursrík reynsla af breytingastjórnun, stjórnun krefjandi verkefna og umbótavinnu er skilyrði.
  • Farsæl reynsla af stjórnun, uppbyggingu liðsheildar og frammistöðustjórnun.
  • Framúrskarandi hæfni í mannlegum samskiptum.
  • Hæfni til að sýna staðfestu, sannfæringarkraft og forystu.
  • Jákvætt og lausnamiðað viðhorf og metnaður til að veita góða þjónustu.
  • Greiningarhæfni og stefnumiðuð nálgun á viðfangsefnin.
  • Háskólamenntun sem nýtist í starfi; framhaldsmenntun er skilyrði.
  • Þekking á verksviði Menntamálastofnunar
  • Þekking af stjórnsýslu, fjármálum og rekstri
  • Færni til tjáningar í ræðu og riti á íslensku og ensku er áskilin. Kunnátta í Norðurlandamáli er kostur.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Mennta- og barnamálaráðherra skipar forstjóra Menntamálastofnunar til fimm ára í senn skv. 1. mgr. 2. gr. laga um Menntamálastofnun, sbr. lög um réttindi og skyldur starfsmanna ríkisins, nr. 70/1996, með síðari breytingum.  Skipað verður í embættið frá 1. september 2022. 

Um laun forstjóra Menntamálastofnunar fer eftir 39. gr. a í lögum um réttindi og skyldur starfsmanna ríkisins, nr. 70/1996.

Með umsókn þarf að fylgja:

  1. ítarleg starfsferilsskrá,
  2. kynningarbréf þar sem gerð er grein fyrir ástæðu umsóknar og settur fram rökstuðningur fyrir því hvernig umsækjandi uppfyllir þær kröfur um hæfni sem fram koma í auglýsingu fyrir starfið og
  3. greinargerð um framtíðarsýn fyrir Menntamálastofnun út frá faglegum og rekstrarlegum áherslum, með hliðsjón af áformum um mögulegar breytingar á starfsemi stofnunarinnar, sbr. inngang starfsauglýsingar.  

Nöfn allra umsækjenda verða birt á vef ráðuneytisins að loknum umsóknarfresti og verða umsóknir þar sem óskað er nafnleyndar ekki teknar til greina. 

Umsóknarfrestur var framlengdur hinn 28. júní og er nú til og með 8. ágúst 2022

Starfshlutfall er 100%

Umsóknarfrestur er til og með 08.08.2022

Nánari upplýsingar veitir

Erna Kristín Blöndal, ráðuneytisstjóri - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira