Hoppa yfir valmynd
SkrifstofustörfNorðurlandHáskólinn á Akureyri

Verkefnastjóri við Sjávarútvegsmiðstöð Háskólans á Akureyri

Verkefnastjóri við Sjávarútvegsmiðstöð Háskólans á Akureyri

Sjávarútvegsmiðstöð Háskólans á Akureyri leitar að verkefnastjóra.  Um er að ræða starf í 50% starfshlutfalli. 

Starf verkefnastjóra við Sjávarútvegsmiðstöð er hýst við Viðskipta- og raunvísindasvið Háskólans. Næsti yfirmaður er forstöðumaður Sjávarútvegsmiðstöðvar. Starfsstöðin er að Borgum, rannsóknahúsi á háskólasvæðinu á Akureyri.  Æskilegt er að viðkomandi geti hafið störf eigi síðar en 15. ágúst nk.  

Helstu verkefni og ábyrgð

Verkefnastjóri vinnur að verkefnum fyrir Sjávarútvegsmiðstöðina og ber ábyrgð á þeim. Verkefnastjóri tekur þátt í vinnu vegna Bridges CoVE, EACEA 33/2019 verkefnis innan Erasmus+ áætlunarinnar um nám á framhaldsskólastigi í fiskeldi og kemur einnig að verkefnum vegna Sjávarútvegsskóla unga fólksins og Fiskeldisskóla unga fólksins í samstarfi við forstöðumann. Hann sér um að leiðbeina kennurum skólanna ásamt því að sinna kennslu við þá. Hann aðstoðar forstöðumann við ýmis tilfallandi verkefni og leysir hann af eftir þörfum. Hann sér jafnframt um að afla aðfanga fyrir Sjávarútvegsskóla unga fólksins og Fiskeldisskóla unga fólksins í samráði við forstöðumann Sjávarútvegsmiðstöðvarinnar.

Hann tekur þátt í að  þróa og innleiða nýbreytni í verkefnum Sjávarútvegsmiðstöðvarinnar.

 

Hæfniskröfur

  • Háskólapróf í sjávarútvegsfræði/auðlindafræði/fiskeldisfræði er skilyrði.
  • Framúrskarandi færni til að tjá sig í ræðu og riti á íslensku og ensku er skilyrði. Færni í skandinavísku tungumáli er æskileg.
  • Framúrskarandi hæfni og reynsla af textaskrifum á ensku og íslensku er skilyrði.
  • Framúrskarandi samskipta- og skipulagshæfileikar eru skilyrði.
  • Reynsla að störfum við fiskeldi er æskileg.
  • Gerðar eru kröfur um sjálfstæð vinnubrögð og ríka ábyrgðarkennd.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.

Ófullnægjandi umsóknir eru ekki teknar til greina.  Öllum umsóknum verður svarað þegar ákvörðun um ráðningu hefur verið tekin.  Umsókn getur gilt í sex mánuði eftir að umsóknarfresti lýkur.  Háskólinn á Akureyri áskilur sér rétt til að hafna öllum umsóknum. 

Háskólinn á Akureyri var stofnaður árið 1987 og þar starfa um 200 starfsmenn og rúmlega 2500 nemendur stunda nám við háskólann. 

Starfshlutfall er 50%

Umsóknarfrestur er til og með 30.06.2022

Nánari upplýsingar veitir

Guðrún Arndís Jónsdóttir, Forstöðumaður - [email protected] - 4608922

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira