Hoppa yfir valmynd
HeilbrigðisþjónustaHöfuðborgarsvæðiðLandspítali

Sjúkraþjálfari - Hefur þú áhuga á að vinna á endurhæfingardeild?

Sjúkraþjálfari - Hefur þú áhuga á að vinna á endurhæfingardeild?

Óskað er eftir sjúkraþjálfara til starfa á endurhæfingardeild Grensás. Um er að ræða tímabundna ráðningu til eins árs. Starfshlutfall er 80-100 % eða eftir samkomulagi. 

Viltu vinna með skemmtilegu fólki þar sem þú færð tækifæri til að öðlast breiða þekkingu innan fagsins? Viltu vera hluti af liðsheild sem starfar í krefjandi og skemmtilegu umhverfi? Þá er tækifærið hér!

Á Grensás er 24 rúma sólarhringsdeild og rúmlega 30 einstaklingar á dagdeild auk göngudeildar. Sjúkraþjálfun á Grensási sinnir fjölbreyttri og sérhæfðri endurhæfingu sjúklinga m.a. með skaða í miðtaugakerfi, fjöláverka, aflimanir auk almennrar endurhæfingar.  Sjúklingahópurinn er fjölbreyttur og gefst því góð tækifæri til að öðlast fjölþætta reynslu. Lögð er áhersla á fagþróun, rannsóknir og kennslu heilbrigðisstétta og þverfaglegt samstarf.

Fríðindi í starfi eru m.a. samgöngusamningur, styttri vinnuvika o.fl.

Helstu verkefni og ábyrgð

  • Skoðun, mat og meðferð
  • Skráning og skýrslugerð
  • Fræðsla til sjúklinga og aðstandenda
  • Þátttaka í þverfaglegum teymum
  • Þátttaka í fagþróun

Hæfniskröfur

  • Íslenskt starfsleyfi sem sjúkraþjálfari
  • Faglegur metnaður og ábyrgð í starfi
  • Hæfni í mannlegum samskiptum og jákvætt viðmót
  • Skipulagshæfni, frumkvæði og sjálfstæð vinnubrögð
  • Góð íslenskukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag sjúkraþjálfara hafa gert.

Æskilegt að umsækjandi geti hafið störf í ágúst 2022 eða eftir nánara samkomulagi.

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, sjúkraþjálfari

Starfshlutfall er 80-100%

Umsóknarfrestur er til og með 06.07.2022

Nánari upplýsingar veitir

Ída Braga Ómarsdóttir - [email protected] - 543 9104

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira