Hoppa yfir valmynd
SkrifstofustörfNorðurlandVerkmenntaskólinn á Akureyri

Bókhalds- og þjónustufulltrúi VMA

Bókhalds- og þjónustufulltrúi VMA

Verkmenntaskólinn á Akureyri leitar að öflugum einstaklingi í starf bókhalds- og þjónustufulltrúa hjá VMA. Við leitum við að metnaðarfullum einstaklingi með ríka þjónustulund sem hefur áhuga á að taka þátt í fjölbreyttum verkefnum.  

Helstu verkefni og ábyrgð

  • Ábyrgð og umsjón með bókhaldi skólans
  • Sér um innheimtu sértekna og ríkistekna 
  • Sér um birgja- og eignaskráningu
  • Annast afgreiðslu og símavörslu, veitir upplýsingar og þjónustu á skrifstofu VMA
  • Afhendir gögn, bæði núverandi nemendum og fyrrverandi nemendum, t.d. varðandi námsferla og brautskráningarskírteini
  • Ýmis skráning tengt nemendahaldi og innheimta gjalda
  • Annast skjölun og frágang á gögnum
  • Fylgir eftir persónuverndarstefnu skólans
  • Kemur að innleiðingu og mótun stafrænna lausna í þjónustu
  • Þátttaka í umbótastarfi

Bókhalds- og þjónustufulltrúi er fyrsti aðili sem tekur á móti þeim sem leita til afgreiðslu skólans. Þar sem starfið felur í sér mikla samvinnu innan skólans og utan er lögð áhersla á persónulega þætti umsækjanda svo sem sjálfstæð vinnubrögð, jákvætt viðmót, fölhæfni, hæfileika í mannlegum samskiptum og samvinnu. 

Næsti yfirmaður er skólameistari. 

Viðkomandi vinnur eftir vottuðu gæðakerfi VMA.

Hæfniskröfur

  • Nám sem nýtist í starfi
  • Jákvætt viðhorf, þjónustulund og mikil lipurð í samskiptum
  • Frumkvæði, sjálfstæði og skapandi hugsun
  • Reynsla af skrifstofu- og bóhaldsvinnu
  • Reynsla af stefnumótun ásamt farsælli reynslu af teymisvinnu er kostur
  • Framúrskarandi íslenskukunnátta í ræðu og riti og góð enskukunnátta
  • Framúrskarandi tölvu- og upplýsingatækniþekking þ.m.t. vinna við skjala- og bókhaldskerfi

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsóknum skulu fylgja ýtarlegar upplýsingar um nám og starfsferil ásamt afriti af prófskírteinum og leyfisbréfum. Umsækjendur sendi jafnframt kynningarbréf þar sem gerð er grein fyrir ástæðu umsóknar og sýn viðkomandi á sjálfum sér ásamt rökstuðningi fyrir hæfni viðkomandi í starfið.

Öll kyn eru hvött til að sækja um starfið og er einungis tekið við umsóknum í gegnum umsóknarvef Starfatorgs. Nánari upplýsingar veitir Sigríður Huld Jónsdóttir, skólameistari VMA. 

Ákvörðun um ráðningu byggir á innsendum gögnum og viðtölum. 

Tekið skal fram að skv. 4. mgr. 8. gr. laga framhaldsskóla nr. 92/2008 er óheimilt að ráða einstakling til starfa við framhaldsskóla sem hlotið hefur refsidóm fyrir brot á ákvæðum XXII. kafla almennra hegningarlaga. Umsækjandi þarf að skila inn sakavottorði með umsókn. 

Verkmenntaskólinn á Akureyri hefur fengið ISO-9001 gæðavottun. Nánari upplýsingar um skólann eru á heimasíðu hans vma.is. Einkunnarorð skólans eru Fagmennska - fjölbreytni - virðing.  

Starfshlutfall er 80-100%

Umsóknarfrestur er til og með 05.07.2022

Nánari upplýsingar veitir

Sigríður Huld Jónsdóttir, Skólameistari - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira