Hoppa yfir valmynd
HeilbrigðisþjónustaNorðurlandSjúkrahúsið á Akureyri

Sálfræðingur í barna- og unglingageðteymi

Sálfræðingur í barna- og unglingageðteymi

Laus er til umsóknar 80-100% staða sálfræðings í barna- og unglingageðteymi Sjúkrahússins á Akureyri (BUG teymi SAk), möguleiki á minna starfshlutfalli. Staðan er laus nú þegar eða eftir samkomulagi. 

Næsti yfirmaður er Helgi Garðar Garðarsson forstöðulæknir.

BUG teymi SAk er þverfaglegt teymi sem sinnir fjölþættum og alvarlegum vanda barna og unglinga á þjónustusvæði Sjúkrahússins á Akureyri. Leitað er að sálfræðingi sem hefur áhuga á fjölbreyttu starfi í krefjandi þverfaglegu umhverfi. Mikil tækifæri eru til að dýpka þekkingu sína í vinnu með börn og unglinga með geðrænan vanda.

Helstu verkefni og ábyrgð

  • Meðferðarvinna með einstaklinga og fjölskyldur þeirra
  • Þátttaka í þverfaglegri teymisvinnu
  • Samvinna við aðrar stofnanir, svo sem skóla, félagsþjónustu og heilsugæslu
  • Ráðgjöf, handleiðsla og fræðsla
  • Sálfræðilegar greiningar

Hæfniskröfur

  • Íslenskt starfsleyfi sálfræðings
  • Áhugi og góð samskiptahæfni
  • Frumkvæði og sjálfstæði í vinnubrögðum
  • Skipulögð vinnubrögð
  • Kostur ef viðkomandi hefur reynslu af greiningum og meðferð barna og unglinga
  • Þjálfun í hugrænni atferlismeðferð og reynsla af beitingu hennar er kostur

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.

Umsóknum skal skilað rafrænt á vef sjúkrahússins www.sak.is Umsóknum skulu fylgja ítarlegar upplýsingar um nám og starfsferil ásamt prófskírteinum og starfsleyfi. Öllum umsóknum verður svarað þegar ákvörðun um ráðningu hefur verið tekin. Við ráðningar í störf er tekið mið af jafnréttisstefnu sjúkrahússins, sem er reyklaus vinnustaður. Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum.

Gildi Sjúkrahússins á Akureyri eru: ÖRYGGI SAMVINNA FRAMSÆKNI 

Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi. Áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum stöðlum sem sjúkrahúsið er vottað eftir.

Starfshlutfall er 80-100%

Umsóknarfrestur er til og með 06.07.2022

Nánari upplýsingar veitir

Helgi Garðar Garðarsson - [email protected] - 463-0100
Ragnheiður Halldórsdóttir - [email protected] - 463-0100

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira