Hoppa yfir valmynd
HeilbrigðisþjónustaHöfuðborgarsvæðiðLandspítali

Ráðgjafi/ stuðningsfulltrúi í útkallsteymi yfirsetu

Ráðgjafi/ stuðningsfulltrúi í útkallsteymi yfirsetu

Ertu góður í mannlegum samskiptum og getur laðað fram það besta í fólki? 

Útkallsteymi yfirsetu auglýsir spennandi og þroskandi starf. Teymið sinnir yfirsetum á fjölbreyttum hópi sjúklinga með krefjandi stuðningsþarfir og flókinn samskiptavanda á almennum legudeildum Landspítala. 

Við sækjumst eftir sjálfstæðum og skipulögðum einstaklingi sem hefur gaman af fjölbreyttu starfsumhverfi og áhuga á fólki og jákvæðum samskiptum. Umsækjandi verður að vilja starfa í teymi, vinna samkvæmt gagnreyndri þekkingu og viðurkenndum verklagsferlum. Vaktabyrðin er hófleg og unnið er á þrískiptum vöktum. Upphaf starfs er um miðjan ágúst 2022 eða eftir nánara samkomulagi. 

Helstu verkefni og ábyrgð

  • Veita einstaklingshæfða aðhlynningu og tryggja öryggi sjúklinga
  • Þátttaka í umbótastarfi og þróun þjónustunnar
  • Þátttaka í þverfaglegri teymisvinnu

Hæfniskröfur

  • Hæfni til að vinna sjálfstætt og í samvinnu við aðra meðferðaraðila
  • Sveigjanleiki og lipurð í mannlegum samskiptum
  • Góð almenn tölvukunnátta og færni í mæltu og rituðu máli
  • Reynsla af umönnun er kostur
  • Hæfni og geta til að starfa í teymi

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn fylgi náms- og starfsferilskrá. 
Ákvörðun um ráðningu byggir á innsendum gögnum og viðtölum. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, Ráðgjafi/ stuðningsfulltrúi, starfsmaður

Starfshlutfall er 60-100%

Umsóknarfrestur er til og með 11.07.2022

Nánari upplýsingar veitir

Eyrún Thorstensen - [email protected] - 543 4671
Guðrún Hrönn Logadóttir - [email protected] - 825 1406

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira