Hoppa yfir valmynd
HeilbrigðisþjónustaHöfuðborgarsvæðiðLandspítali

Sérfræðilæknir í lungnasjúkdómum

Sérfræðilæknir í lungnasjúkdómum

Laust er til umsóknar starf sérfræðilæknis í lungnasjúkdómum. Starfið veitist frá 1. september eða eftir samkomulagi. Um fullt starf er að ræða. Lægra starfshlutfall samkvæmt nánara samkomulagi getur þó komið til greina.

Metnaðarfullt teymi lækna starfar við lungnalækningar og sinnir fjölbreyttum verkefnum í nánu samstarfi við aðrar fagstéttir. Lungnalæknar taka einnig þátt í bráðaþjónustu á vettvangi lyflækninga.

Leitað er eftir jákvæðum og metnaðarfullum sérfræðilækni til að annast sérhæfða meðferð og eftirfylgd sjúklinga okkar.

Helstu verkefni og ábyrgð

  • Þjónusta við sjúklinga á legudeildum, gjörgæslu og dagdeild
  • Göngudeildarþjónusta. Um er að ræða fjölbreytt og oft sérhæfð viðfangsefni. Meðal verkefna eru lokastigs teppusjúkdómar, millivefssjúkdómar, erfiður astmi, greining lungnakrabbameina, svefntruflanir, meðferð með öndunarvélum, lungnaígræðslur, slímseygjusjúkdómur og lungnaháþrýstingur
  • Inngrip: Berkjuspeglanir, berkjuómspeglanir, brjóstholsástungur og áreynslupróf
  • Ráðgjöf í lungnasjúkdómum
  • Þátttaka í vaktþjónustu lungnalækna
  • Þátttaka í bráðaþjónustu á vegum almennra lyflækninga í samráði við yfirlækni lungnalækninga, þ.m.t. vaktþjónustu
  • Þátttaka í kennslu læknanema, lækna í sérnámsgrunni og sérnámslækna
  • Þátttaka í rannsóknarstarfi
  • Þátttaka í öðrum verkefnum í samráði við yfirlækni sérgreinarinnar

Hæfniskröfur

  • Íslenskt sérfræðileyfi í almennum lyflækningum og lungnalækningum
  • Breið þekking og reynsla í almennum lyflækningum og lungnalækningum
  • Reynsla af kennslu
  • Hæfni og geta til að starfa í teymi heilbrigðisstarfsmanna
  • Jákvæðni, sveigjanleiki og lipurð í samskiptum

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.2.4 í kjarasamningi lækna og ríkisins. 

Í umsóknarformið skal skrá inn upplýsingar um:

  • Fyrri störf, menntun og hæfni
  • Félagsstörf og umsagnaraðila 

 
Nauðsynleg fylgiskjöl:

  • Vottað afrit af námsgögnum og starfsleyfum.
  • Ferilskrá þar sem tilgreind er reynsla af kennslu, vísindavinnu og stjórnunarstörfum.
  • Kynningarbréf með rökstuðningi fyrir hæfni og sýn á starfið.
  • Yfirlit yfir birtar vísindagreinar (eða í ritrýni) sem umsækjandi er fyrsti höfundur að.
  • Afrit af umsókn um læknisstöðu hjá Embætti Landlæknis (sækja skjalið hér) og sendið sem fylgiskjal. 
     

Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfsmerkingar: Heilbrigðisþjónusta, Sérfræðilæknir, læknir með lækningaleyfi

Starfshlutfall er 100%

Umsóknarfrestur er til og með 15.07.2022

Nánari upplýsingar veitir

Sif Hansdóttir - [email protected] - 825 9489

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira