Hoppa yfir valmynd
Kennsla og rannsóknirHöfuðborgarsvæðiðHáskóli Íslands

Lektor í almennri hjúkrunarfræði með áherslu á nýbura

Lektor í almennri hjúkrunarfræði með áherslu á nýbura

Laust er til umsóknar 50% starf lektors í almennri hjúkrunarfræði við Hjúkrunarfræðideild Háskóla Íslands, með áherslu á hjúkrun nýbura.

 

Helstu verkefni og ábyrgð

Almenn hjúkrun miðar að því að veita sjúklingum heilsteypta umönnun sem byggir á vísindum og gagnreyndri þekkingu. Almennar hjúkrunarþarfir sjúklinga eru margþættar og það getur skipt sköpum fyrir árangur meðferðar sjúklings hvernig þeim er mætt. Krafa um þekkingu á áhrifum flókinnar hjúkrunarmeðferðar á heilsu, vellíðan og virkni sjúklinga er vaxandi.

Leitað er að öflugum einstaklingi með góða þekkingu á almennri hjúkrun auk þekkingar á hjúkrun nýbura til að taka þátt í uppbyggingu kennslu og rannsókna í hjúkrunarfræði við deildina. Í starfinu felst einkum kennsla, rannsóknir og stjórnun.

Hæfniskröfur

  • Doktorspróf í hjúkrunarfræði.
  • Sérmenntun á sviði hjúkrunar.
  • Rannsóknavirkni á fræðasviðinu, sjálfstæði og frumkvæði í rannsóknum.
  • Reynsla af háskólakennslu, fræðilegri og klínískri.
  • Stjórnunarreynsla er æskileg.
  • Reynsla af öflun styrkja til rannsóknarstarfa er kostur.
  • Góð samstarfshæfni, lipurð í mannlegum samskiptum ásamt góðri færni í að miðla eigin þekkingu.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Við ráðningu verður miðað við, að sá er starfið hlýtur falli sem best að aðstæðum og þörfum Hjúkrunarfræðideildar.

Æskilegt er að viðkomandi hefji störf eigi síðar en 15. september 2022, enda verði störfum nefndar sem um málið fjalla þá lokið.

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. 

Umsækjendur skulu láta eftirfarandi gögn fylgja umsókn sinni.  

  1. Kynningarbréf þar sem m.a. kemur fram hvernig umsækjandi uppfyllir hæfniskröfur
  2. Prófskírteini eða eftir atvikum vottorð um námsferil
  3. Akademíska ferilskrá (Curriculum Vitae)
  4. Ritaskrá
  5. Skýrslu um vísindastörf og önnur störf sem þeir hafa unnið
  6. Greinargerð um rannsóknar- og kennsluáform ef til ráðningar kemur
  7. Upplýsingar um mögulega umsagnaraðila sem hafa má samband við

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Umsóknargögnum sem ekki er hægt að skila rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík.

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningar í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands

Heilbrigðisvísindasvið er eitt af fimm fræðasviðum Háskóla Íslands. Innan sviðsins eru sex deildir; Hjúkrunarfræðideild, Lyfjafræðideild, Læknadeild, Matvæla- og næringarfræðideild, Sálfræðideild og Tannlæknadeild. Starfsmenn sviðsins eru um 300 og nemendur um 2200.

Háskóli Íslands er stærsta kennslu-, rannsókna- og vísindastofnun Íslands og eini skólinn hérlendis sem er á báðum virtustu matslistunum yfir bestu háskóla heims, Times Higher Education World University Rankings og Shanghai Ranking. 

Starfshlutfall er 50%

Umsóknarfrestur er til og með 15.08.2022

Nánari upplýsingar veitir

Helga Bragadóttir, forseti Hjúkrunarfræðideildar - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira