Hoppa yfir valmynd
SérfræðistörfHöfuðborgarsvæðiðHáskóli Íslands

Aðstoðarmaður á rannsóknarstofu

Aðstoðarmaður á rannsóknarstofu

Laust er til umsóknar fullt starf aðstoðarmanns á rannsóknarstofu prófessors í færsluvísindum (e. Translational Medicine) og barnalækningum innan Læknadeildar Heilbrigðisvísindasviðs Háskóla Íslands.

Um er að ræða rannsóknahóp sem starfar undir forystu Hans Tómasar Björnssonar, prófessors í færsluvísindum og barnalækningum. Rannsóknir hans snúa að þróun meðferðarmöguleika fyrir sjaldgæfa erfðasjúkdóma sem tengjast utangenaerfðakerfinu og hefur rannsóknarstofa hans nýlega fengið veglegan styrk til að halda áfram rannsóknum á meðferðarmöguleikum fyrir Kabuki heilkenni. 

Hópurinn hefur nýlega birt niðurstöður sínar í virtum tímaritum eins og PLOS Genetics, AJHG, eLIFE og Genome Research og PNAS og gengið vel að afla styrkja. Leitað er að metnaðarfullum samstarfsmanni sem getur tekið þátt í áframhaldandi uppbyggingu á öflugum rannsóknahópi í færsluvísindum og barnalækningum við Háskóla Íslands.

Miðað er við að um fullt starf sé að ræða en lægra starfshlutfall kemur einnig til greina. Ráðið verður til eins árs til að byrja með.

Helstu verkefni og ábyrgð

  • Vinna við vísindaverkefni sem hluti af teymi með prófessor, doktorsnemum og nýdoktorum
  • Þátttaka í daglegum rekstri rannsóknastofunnar
  • Vinna með tilraunadýr
  • Þátttaka í greinarskrifum

Hæfniskröfur

  • Doktorspróf eða meistarapróf í erfðafræði, lífeindafræði, líffræði eða skyldum greinum
  • Reynsla af vinnu á rannsóknarstofu í erfðafræði, frumu- og sameindalíffræði, lífefnafræði eða skyldri grein
  • Reynsla af því að vinna með mýs er æskileg
  • Metnaður, frumkvæði, sjálfstæði og nákvæmni í starfi
  • Góð almenn tölvukunnátta
  • Góð enskukunnátta og ritfærni
  • Hæfni í mannlegum samskiptum

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst eða samkvæmt nánara samkomulagi.

Eftirfarandi gögn skulu fylgja umsókn:

  1. Ferilskrá
  2. Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
  3. Staðfest afrit af prófskírteinum
  4. Upplýsingar um umsagnaraðila
  5. Yfirlit yfir útgefnar greinar

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2. 

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands. 

Heilbrigðisvísindasvið er eitt af fimm fræðasviðum Háskóla Íslands. Innan sviðsins eru sex deildir; Hjúkrunarfræðideild, Lyfjafræðideild, Læknadeild, Matvæla- og næringarfræðideild, Sálfræðideild og Tannlæknadeild. Starfsmenn sviðsins eru um 300 og nemendur um 2200.

Háskóli Íslands er stærsta kennslu-, rannsókna- og vísindastofnun Íslands og eini skólinn hérlendis sem er á báðum virtustu matslistunum yfir bestu háskóla heims, Times Higher Education World University Rankings og Shanghai Ranking.

Starfshlutfall er 100%

Umsóknarfrestur er til og með 15.08.2022

Nánari upplýsingar veitir

Hans Tómas Björnsson, prófessor - [email protected] - 8244639

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira