Hoppa yfir valmynd
Kennsla og rannsóknirHöfuðborgarsvæðiðHáskóli Íslands

Lektor í íslensku sem öðru máli

Lektor í íslensku sem öðru máli

Laust er til umsóknar fullt starf lektors í íslensku sem öðru máli. Um er að ræða sameiginlegt starf við Menntavísindasvið og Hugvísindasvið Háskóla Íslands. Starfið tilheyrir Deild faggreinakennslu á Menntavísindasviði og Íslensku og menningardeild á Hugvísindasviði.

Meðal viðfangsefna verða kennsla og rannsóknir í íslensku sem öðru máli. Lektornum er ætlað að þróa þverfræðilegt samstarf um kennslu og rannsóknir milli Menntavísindasviðs og Hugvísindasviðs.

Helstu verkefni og ábyrgð

  • Kennsla á grunn- og meistarastigi, á báðum fræðasviðum, í íslensku sem öðru máli fyrir háskólanemendur með annað móðurmál en íslensku
  • Þátttaka í uppbyggingu stuðningskerfis fyrir nemendur á Menntavísindasviði með íslensku sem annað mál
  • Rannsóknir í íslensku sem öðru máli
  • Leiðsögn með lokaverkefnum nemenda
  • Þátttaka í þróun þverfræðilegs samstarfs fræðasviðanna um kennslu og rannsóknir
  • Þátttaka í þróun kennsluhátta á báðum fræðasviðum

Hæfniskröfur

  • Doktorspróf á sviði íslensku sem annars máls eða sambærilegum sviðum
  • Virkni í rannsóknum á íslensku sem öðru máli
  • Nám í kennslufræði og/eða kennslureynsla í grunn- og framhaldsskóla er æskileg
  • Reynsla af kennslu íslensku sem annars máls á háskólastigi er kostur
  • Reynsla af fjölbreyttum kennsluháttum og notkun stafrænna miðla er kostur
  • Góð færni í íslensku
  • Góð samstarfshæfni og lipurð í mannlegum samskiptum

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Horft verður til þess að ráðningin falli sem best að aðstæðum og þörfum sviðanna.

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. 

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Umsækjendur skulu láta eftirfarandi gögn fylgja umsókn sinni.

  1. Kynningarbréf þar sem m.a. kemur fram hvernig umsækjandi uppfyllir hæfniskröfur
  2. Prófskírteini eða eftir atvikum vottorð um námsferil
  3. Akademíska ferilskrá (Curriculum Vitae)
  4. Ritaskrá
  5. Skýrslu um vísindastörf og önnur störf sem þeir hafa unnið
  6. Greinargerð um rannsóknar- og kennsluáform ef til ráðningar kemur
  7. Upplýsingar um mögulega umsagnaraðila sem hafa má samband við

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Umsóknargögnum sem ekki er hægt að skila rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík. 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Við ráðningar í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands. 

 

Starfshlutfall er 100%

Umsóknarfrestur er til og með 15.08.2022

Nánari upplýsingar veitir

Kolbrún Þorbjörg Pálsdóttir, sviðsforseti Menntavísindasviðs - [email protected] - 525 5965
Ólöf Garðarsdóttir, sviðsforseti Hugvísindasviðs - [email protected] - 525 5350

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira