Hoppa yfir valmynd
SérfræðistörfHöfuðborgarsvæðiðHeilbrigðisráðuneytið

Sérfræðingur á skrifstofu fjárlaga og innri þjónustu

Sérfræðingur á skrifstofu fjárlaga og innri þjónustu

Heilbrigðisráðuneytið auglýsir laust til umsóknar starf sérfræðings á skrifstofu fjárlaga og innri þjónustu. Um er að ræða áhugavert og fjölbreytt starf í krefjandi starfsumhverfi þar sem reynir á öguð vinnubrögð, ábyrgð, sjálfstæði og góð samskipti. 

Helstu verkefni og ábyrgð

- Fjárlagagerð, rekstrar- og framkvæmdaáætlanir og eftirlit með framkvæmd fjárlaga. 
- Mat á kostnaðaráhrifum lagafrumvarpa og reglugerða.
- Áætlanagerð, kostnaðargreining og kostnaðareftirlit.
- Greining og úrvinnsla gagna. 
- Þátttaka í stefnumótun í málaflokkum ráðuneytisins í samstarfi við fagskrifstofur og stofnanir ráðuneytisins.
 

Hæfniskröfur

- Háskólamenntun í viðskiptafræði, hagfræði eða önnur sambærileg menntun. Framhaldsmenntun er kostur.
- Færni í meðferð, greiningu og úrvinnslu gagna. 
- Þekking og reynsla af áætlanagerð, kostnaðargreiningu og kostnaðareftirliti.
- Hæfni í mannlegum samskiptum og jákvætt viðmót.
- Færni til að geta unnið sjálfstætt á skipulagðan og agaðan hátt.
- Færni í miðlun upplýsinga í mæltu og rituðu máli.
- Góð kunnátta í ensku og einu Norðurlandamáli er kostur.
- Þekking og reynsla úr stjórnsýslunni og af fjárlagagerð er kostur.
- Þekking á fjárhags- og mannauðskerfi ríkisins er kostur.
- Þekking og reynsla af teymisvinnu og verkefnastjórnun er kostur.
 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert.

Starfið heyrir undir skrifstofu fjárlaga og innri þjónustu en hlutverk skrifstofunnar er að hafa heildaryfirsýn yfir fjármál og rekstur ráðuneytisins og stofnana þess, tryggingarliða og annarra viðfangsefna sem heyra undir ráðuneytið. Þá leggur skrifstofan mat á hagkvæmni verkefna og þann kostnað sem kann að hljótast af lagafrumvörpum á ríkissjóð. Skrifstofan ber ábyrgð á gerð fjárlaga, rekstrar- og framkvæmdaáætlana og hefur eftirlit með framkvæmd fjárlaga auk þess að hafa umsjón með kostnaðarþátttöku notenda í heilbrigðisþjónustu. 

Æskilegt er að umsækjandi geti hafið störf sem fyrst. Áhugasamir einstaklingar eru hvattir til að sækja um starfið óháð kyni. Með umsókn skal fylgja afrit af prófskírteinum, ítarleg starfsferilskrá og kynningarbréf þar sem gerð er grein fyrir ástæðu umsóknar og hvernig umsækjandi uppfyllir hæfniskröfur.

Starfshlutfall er 100%

Umsóknarfrestur er til og með 15.08.2022

Nánari upplýsingar veitir

Runólfur Birgir Leifsson - [email protected]
Kristín Helgadóttir - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira