Hoppa yfir valmynd
SérfræðistörfHöfuðborgarsvæðiðBarnaverndarstofa

Sálfræðingur/félagsráðgjafi í MST

Sálfræðingur/félagsráðgjafi í MST

Barna- og fjölskyldustofa leitar að tveimur MST meðferðaraðilum í 100% stöður. MST er gagnreynd meðferð fyrir fjölskyldur barna á aldrinum 12-18 ára sem glíma við alvarlegan hegðunar-, tilfinninga- og vímuefnavanda. Meðferðin fer fram á heimili og í nærumhverfi fjölskyldunnar í samstarfi við starfsfólk barnaverndarnefnda, skóla, heilbrigðisstofnana og aðra sérfræðinga. MST miðar að því að draga úr vandanum með því að efla bjargráð foreldra og bæta samheldni og samskipti í fjölskyldu. Aðgengi er að meðferðaraðilum til skiptis í síma allan sólarhringinn. Sjá nánar: www.mstservices.com.

Helstu verkefni og ábyrgð

MST meðferðaraðili sinnir meðferð fjölskyldna og barna í nærumhverfi undir stjórn teymisstjóra og í samvinnu við lykilaðila. Meðferðaraðilinn gerir vikulegar skráningar á meðferðarvinnu og meðferðaráætlun fyrir faghandleiðslu teymis og lokaskýrslu fyrir tilvísunaraðila. Einnig tekur hann þátt í klínískri starfsþróun með teymisstjóra og erlendum MST sérfræðingi. Meðferðaraðilinn heldur meðferðarfundi og er aðgengilegur forsjáraðilum barns í síma innan umsamins sveigjanlegs vinnutíma. Meðferðaraðilinn þarf að auki að vera aðgengilegur fjölskyldum síns teymis í síma allan sólarhringinn sjö daga vikunnar á tilteknum tímum til skiptis við aðra meðferðaraðila teymisins.

Hæfniskröfur

  • Krafa um meistarapróf og löggildingu sem sálfræðingur eða starfsréttindi sem félagsráðgjafi.
  • Krafa um þekkingu og færni í hugrænni atferlismeðferð, fjölskyldumeðferð, atferlismótun og félagsnámskenningum.
  • Krafa um þekkingu og áhuga á gagnreyndum aðferðum í þjónustu við börn og fjölskyldur.
  • Krafa um þekkingu á sviði frávika í hegðun og þroska barna og unglinga, matsaðferðum og greiningarhugtökum.
  • Sérmenntun í meðferðarvinnu sem nýtist í starfi er æskileg.
  • Krafa um góða íslenskukunnáttu í rituðu og töluðu máli.
  • Krafa um góða enskukunnáttu í rituðu og töluðu máli.
  • Mikilvægt er að búa yfir hæfni til að vinna skipulega, markmiðatengt og lausnamiðað.
  • Lögð er áhersla á sjálfstæði í vinnubrögðum. Einnig er metinn áhugi og forsendur umsækjenda til þess að tileinka sér aðferðir MST.
  • Mikilvægt að búa yfir góðri samstarfshæfni, sveigjanleika og jákvæðu viðhorfi til skjólstæðinga og samstarfsaðila.
  • Gild ökuréttindi.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Æskilegt er að viðkomandi geti hafið störf sem fyrst. Við úrvinnslu umsókna um störfin gildir mat Barna- og fjölskyldustofu á hæfni og eiginleikum umsækjenda. Vakin er athygli á að stofnunin aflar sjálf upplýsinga úr sakaskrá áður en viðkomandi hefur störf. Barna- og fjölskyldustofa hvetur alla til að sækja um, óháð kyni. 

Með umsókn skal fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og hvernig viðkomandi uppfyllir þær hæfniskröfur sem gerðar eru. Öllum umsóknum verður svarað þegar ákvörðun um ráðningu hefur verið tekin. Allar umsóknir gilda í sex mánuði frá birtingu ef starf losnar að nýju innan þess tíma.

Starfshlutfall er 100%

Umsóknarfrestur er til og með 15.08.2022

Nánari upplýsingar veitir

Guðrún Inga Guðmundsdóttir - [email protected] - 5302600
Marta María Ástbjörnsdóttir - [email protected] - 5302600

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira