Hoppa yfir valmynd
HeilbrigðisþjónustaHöfuðborgarsvæðiðLandspítali

Hjúkrunarfræðingur - Dagdeild skurðlækninga í Fossvogi

Hjúkrunarfræðingur - Dagdeild skurðlækninga í Fossvogi

Laust er til umsóknar starf hjúkrunarfræðings á dagdeild skurðlækninga, A5, í Fossvogi. Við sækjumst eftir hjúkrunarfræðingi með sterka faglega sýn og áhuga á þátttöku í faglegri framþróun í framsæknu starfsumhverfi. Í boði er fjölbreytt starfssvið og góðir möguleikar á sí- og endurmenntun. Ráðið er í starfið frá 1. september 2022 eða eftir nánara samkomulagi.

Á deildinni starfa 25 starfsmenn og þar ríkir góður starfsandi. Deildin er með sólarhringsopnun 5 daga vikunnar og eru vaktir þrískiptar. Starfsemi deildarinnar felur í sér þjónustu við sjúklinga sem fara í minniháttar aðgerðir, s.s. æða-, lýta-, hne-, bæklunar-, heila-, tauga- og barnaskurðaðgerðir. Einnig er tekið á móti sjúklingum í undirbúning fyrir aðgerðir sem krefjast lengri legutíma. Eins eru á deildinni 7 rúm fyrir liðskiptaaðgerðir. 

Vinnuvika starfsfólks í fullri vaktavinnu er nú 36 stundir og getur orðið minni eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Helstu verkefni og ábyrgð

  • Hjúkrun sjúklinga dagdeildar skurðlækninga
  • Skipuleggja og veita fræðslu til sjúklinga og aðstandenda
  • Þátttaka í teymisvinnu
  • Umbótastarf í samstarfi við hjúkrunarfræðinga og lækna deildarinnar

Hæfniskröfur

  • Íslenskt hjúkrunarleyfi
  • Faglegur metnaður og ábyrgð í starfi
  • Jákvætt viðmót og góðir samskiptahæfileikar

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt afriti af prófskírteinum og hjúkrunarleyfi. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, Hjúkrunarfræðingur, hjúkrun

Starfshlutfall er 60-100%

Umsóknarfrestur er til og með 16.08.2022

Nánari upplýsingar veitir

Sigrún Sigurðardóttir, Deildarstjóri - [email protected] - 847 7787

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira