Hoppa yfir valmynd
SkrifstofustörfHöfuðborgarsvæðiðHáskóli Íslands

Verkefnastjóri á Þjónustuborðinu Háskólatorgi

Verkefnastjóri á Þjónustuborðinu Háskólatorgi

Laust er til umsóknar fullt starf verkefnisstjóra á Þjónustuborðinu Háskólatorgi. Þjónustuborðið Háskólatorgi tilheyrir Kennslusviði háskólans. Hlutverk Þjónustuborðsins er að veita margvíslega og yfirgripsmikla þjónustu fyrir ýmsar deildir háskólans til fjölbreytts hóps nemenda, starfsfólks og annarra sem til skólans leita. 

Helstu verkefni og ábyrgð

  • Afgreiðsla og úrlausn á erindum nemenda, starfsfólks og gesta, innlendra sem erlendra, þ.m.t. afgreiðsla rafrænna erinda og í síma
  • Móttaka greiðslna fyrir selda þjónustu og uppgjör í lok vinnudags
  • Upplýsingagjöf og aðstoð um nám og háskólann

Hæfniskröfur

  • Háskólapróf sem nýtist í starfi
  • Ríkulegur þjónustuvilji og lipurð í mannlegum samskiptum
  • Frumkvæði og nákvæmni í vinnubrögðum
  • Góð íslensku- og enskukunnátta í ræðu og riti
  • Góð almenn tölvufærni
  • Þekking á starfsumhverfi og stjórnsýslu Háskóla Íslands er kostur

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn: 

  • Ferilskrá
  • Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
  • Afrit af prófskírteinum
  • Upplýsingar um umsagnaraðila

 

Við ráðningu í störf í Háskóla Íslands er tekið mið af jafnréttisáætlun skólans

Vakin er athygli á málstefnu Háskóla Íslands. 

Háskóli Íslands er stærsta kennslu-, rannsókna- og vísindastofnun Íslands og eini skólinn hérlendis sem er á báðum virtustu matslistunum yfir bestu háskóla heims, Times Higher Education World University Rankings og Shanghai Ranking.

Starfshlutfall er 100%

Umsóknarfrestur er til og með 22.08.2022

Nánari upplýsingar veitir

Davíð Skúlason, Deildarstjóri - [email protected] - 525 5826

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira