Hoppa yfir valmynd
HeilbrigðisþjónustaHöfuðborgarsvæðiðLandspítali

Hjúkrunarfræðingur - Ígræðsluteymi Landspítala

Hjúkrunarfræðingur - Ígræðsluteymi Landspítala

Laust er til umsóknar starf hjúkrunarfræðings í ígræðsluteymi Landspítala sem staðsett er á almennri göngudeild 10E við Hringbraut. Starfsemi ígræðsluteymisins er viðamikil og snýr að þjónustu við sjúklinga sem eru að bíða eftir líffæraígræðslu eða eru komnir með ígrætt líffæri og fjölskyldur þeirra. Ígræðsluaðgerðir sem eru framkvæmdar á Íslandi eru nýraígræðslur frá lifandi eða látnum gjöfum en aðrar ígræðslur, s.s. hjarta-, lifra-, lungna- og fleiri ígræðslur eru núna gerðar í Gautaborg Svíþjóð. Þ.a.l. eru mikil samskipti við fagaðila í Svíþjóð varðandi rannsóknir og ferli sjúklinga. Ígræðsluteymið er mannað tveimur hjúkrunarfræðingum sem vinna náið með sérfræðilæknum og öðrum fagaðilum. Helstu verkefni teymisins snúa að uppvinnslu, undirbúningi, fræðslu og eftirliti í tengslum við líffæraígræðslur. 

Í boði er einstaklingsmiðuð aðlögun undir leiðsögn reyndra hjúkrunarfræðinga. Starfshlutfall er 80-100% dagvinna og er starfið laust frá 1. september 2022 eða eftir nánara samkomulagi.

Á göngudeild 10E eru einnig sérhæfðar teymismóttökur á sviði skurð- og lyflækninga s.s. meltingarteymi, kviðarhols- og stómateymi og einnig móttaka í sárameðferðir og innrennsli. Þá eru þar innskriftir skurðsérgreina við Hringbraut og svæfingar fyrir allan spítalann. Á deildinni er markvisst unnið að umbótum og framþróun, en þar starfar öflugur hópur reyndra hjúkrunarfræðinga og einkennist vinnuandinn af samvinnu, metnaði og góðum liðsanda. 

Vinnuvika starfsfólks í fullri dagvinnu er nú 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Helstu verkefni og ábyrgð

  • Uppvinnsla og eftirlit með líffæraþegum fyrir og eftir líffæraígræðslur
  • Eftirlit með lifandi líffæragjöfum fyrir og eftir aðgerð
  • Samskipti við erlenda aðila
  • Skráning gagna
  • Þverfagleg teymisvinna með sérfræðilæknum og ýmsum fagaðilum Landspítala

Hæfniskröfur

  • Íslenskt hjúkrunarleyfi
  • Faglegur metnaður og sjálfstæði í starfi
  • Jákvætt viðmót og góðir samskiptahæfileikar
  • Áhugi á að starfa í krefjandi og fjölbreyttu umhverfi
  • Góð íslenskukunnátta áskilin

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum

Starfsmerkingar: Heilbrigðisþjónusta, Hjúkrunarfræðingur, hjúkrun

Starfshlutfall er 80-100%

Umsóknarfrestur er til og með 17.08.2022

Nánari upplýsingar veitir

Erla Dögg Ragnarsdóttir, Deildarstjóri - [email protected] - 824 5875

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira